經歷詳述:
第一次睇牙醫睇到一肚火。事緣我隻牙崩了並在網上見到呢個牙醫(梁肇麟醫生)有唔錯既好評，就攜同老婆一齊去睇。老婆講述牙齒有邊度唔舒服(左下臼齒不適及右上臼齒位置「孫」軟)，呢個牙醫了解完就開始用工具檢查，初步檢查就話上下臼齒各一地方有蛀，另外「孫」軟地方是磨蛸了，沒得搞，而且有一顆智慧齒蛀了(老婆話唔知因為唔痛)。為左要睇真D所以要求照X光片，收費為1500…照完睇完片後，只強調隻智慧齒蛀左好多要拔，我老婆怕痛話唔整住，只補牙。補前講有三種價錢，800、1000、1200，但講完就算，沒問我地選邊款就補了，但只補了一隻 (最後另一隻沒有補)，在補牙過程中不斷向我老婆講隻智慧齒要拔，強調個洞好大好深，又話好貼近神經，拔牙唔小心碰到會有機會幾個月面麻等等。聽到我同我老婆個心都好唔舒服，我老婆詢問價錢時就只給我地一份價錢表，寫著拔智慧牙要8000，結果我老婆沒選擇拔，當然佢都唔肯擺手，在幫我檢查時仍不斷叫我老婆好好考慮一下。
論到我檢查，我指示右邊常牙肉腫，左下臼齒崩了(但唔痛)。佢拿工具檢查，難補，要照X光片睇清楚。睇完片，佢話有一隻牙隱藏地蛀了(我不知道，因為沒牙痛)。而崩牙，佢話好近神經線，又不斷講其他理論就是要我杜牙根，又講我能補的一定會補，但如果補過程中要清除上邊壞了的牙漬，有機會會弄穿到神經線位置，到時候我會好痛並必需要做杜牙根手術。我心想，你弄穿了我就要杜牙根，同我一開始要做杜牙根有什麼區別呢，區別在於說話講在前頭而避免責任嗎？我老婆跟佢討論很久要臉紅耳熱，我只問一句有幾成可以補，佢話只有4成補到…我當然唔做啦，只補牙，今次乜價錢沒講亦沒問我選邊種就補了。過程中令我本來沒牙痛的都變得很痛，手勢粗劣，令我好唔舒服。補完牙後，仍不斷「溫馨」提示要我杜牙根，而家有4成機會補，過多幾日可能得番2成。我唔理佢，我同我老婆在外邊等一會，護士就叫我地自己落樓去俾錢，護士態度由開始尊重我地變成好厭惡我地，感覺極不舒服。最後埋單5XXX…貼錢買難受
最慘係，我晚上吃完飯用牙線去清除牙之間既肉碎，結果用不了，因為補牙補到牙與牙之間封了，最後都是自己不斷用牙線去「界」先「界」返條線出黎。
最後我找另一位朋友介紹既牙醫，只用工具檢查不用照X光，直接講要點去補同用牙套就攪掂。

我講咁長係希望唔好有另一個受害者。唔想受不專業既牙醫去治療，不斷的威嚇，推銷，令患者只會唔安心


簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧