經歷詳述:
本人手部骨折，呢位醫生除左首次會診時問多兩句外，之後每次覆診，佢都態度敷衍。

每次坐低平均一分鐘就趕你出去，櫈都未坐暖，掂都無掂過傷患處，唔好旨望佢仔細檢查下，望住電腦多過個病人。

態度語氣又差，好似好質疑個病人，我想問多幾句或表達患病痛處，佢聽完都唔理你，敷衍回答問題就算，當然亦都唔會幫你檢查，望兩望就當睇左。

叫個病人入房前，都無睇番電腦入面病人嘅病歷，到底個病人要繼續Sick Leave定可番light duty，佢調番轉俾個病人自己揀，完全無提供任何專業判斷或意見。連自己曾經寫過轉介信俾物理治療都忘記，以為個病人自己出面搵另一個醫生寫。

當初如果唔係情況緊急，咁岩聖保祿醫院有骨科門診，我都唔會遇到呢位醫生，有得揀一定唔會揀睇佢，未見過咁無耐性同咁敷衍態度嘅私家醫生。
簡評:
個人觀感- 態度有失、醫德有損
經歷過程- 診証時間極其急趕，快來快去
推介意見- 本人絕對不會再作光顧