經歷詳述:
話說檢查身體被醫生摸到肚有腫塊懷疑有纖維瘤，被轉介去見了一位王x儀醫生，照完超聲波發現2粒9cm纖維瘤，一粒係宮口位話有機會壓到泌尿系統止血失效有機會全切子宮！我當然好驚慌因籌備結婚！當晚嚇到失眠，又話要2名主診醫生加麻醉，搞唔好泌尿科主診加入又要加錢...

係朋友彭勵下我決定搵彭敏華醫生給意見，彭醫生的姑娘電話預約時已安慰我9cm係彭醫生紀錄來說不算嚴重，見醫生當日嚟period， 醫生同護士都好好人無介意照鋪好牀清潔消毒好做超聲波，發現低位果粒大瘤有11.36cm, 但彭醫生好專業，一坐下就劃圖分析位置及講解擬做c section手術，又講術後如何計劃生育！最重要的是強調我年輕尚輕，一定會保留子宮！ 更講左前後2次！仲話此手術風險要切子宮機會極微！ 係極微！彭醫生從未試過！我當堂覺得彭醫生就係救世主化身！嗚哇！我找對了醫生好感動！？約10日後安排入港島港安醫院做子宮肌瘤切除手術，一切十分順利！傷口比一般c section開刀產子嘅疤短但彭醫生幫我割左個大過子宮嘅瘤！！仲要勁細疤痕！抽組織報告兩日後出大細共6粒瘤全屬良性（彭醫生手術後未出報告前已安慰我肌瘤無可疑一早開香檳慶祝了！），仲要手術後進展良好，手術第二朝已經可食早餐，落牀行路去廁所！我衷心感謝彭醫生妙手仁心，簡直挽救我幸福將來既天使！我傻更更同醫生講你太叻要同你洗版宣傳！佢笑一笑謙虛講唔使啦！哈哈😄想同大家講醫生唔怕睇多幾告對照，唔好俾第一個醫生打沈意志啊！
簡評:
個人觀感- 醫術精湛、鉅細無遺
經歷過程- 求診病人實在太多，等候需時
推介意見- 已視為本人的必然選擇