經歷詳述:
當日係星期六好多泌尿專科都收4點 我朋友就係咁幫我搵 搵到依間星期六收6點 我4點半打去book 好彩有位 5點鐘到達 一去到就勁急尿 姑娘就比左個杯我去順便驗尿 之後就見孔醫生 醫生了解左我尿頻情況 我一邊講既時候醫生好專業將我講我既症狀 之前睇普通科食過咩藥 一日柯成廿幾次尿 半夜又係咁起身柯 屋企人都試過有尿路問題都寫低哂 仲有我之前係第二度既驗尿報告都scan左入電腦 再照超聲波 照左膀胱 照埋腎 好彩無事 醫生再攞試紙睇下我d尿有無異樣 攞試紙check既時候都逐一解釋 試紙既每一格既顏色代表咩 等我了解情況 解答我無數問題 再對症下藥開左抗生素 消炎藥 橙尿藥 我一出左診症室醫生拿拿臨攞左我既尿液去化驗所 因為當時應該5點20幾分仲有幾分鐘化驗所就關門 我見醫生既步速都幾急下 醫生一返到黎 佢都話好彩趕得切 因為我係咁借鎖匙去廁所 好驚阻到醫生姑娘收工 所以我話唔好意思 阻住你地收工 個姑娘就話唔緊要 等陣都仲有個急症黎緊 醫生姑娘都好有醫德 ot都睇埋急症 好好彩我遇到咁有醫德既人 過左6日 化驗報告出左 姑娘主動打比我 同我講我既報告有咩問題 因為我好擔心有好多問題問 醫生在電話逐一咁去解答 好有耐性 (通常醫生都好高斗唔會理咁多見面先講) 但孔醫生唔係個d高斗醫生 真係100%好 之後同姑娘預約返去覆診 個姑娘都勁好 好好笑容 好中意笑

簡評:
個人觀感- 仁心仁術、醫德高尚
經歷過程- 醫生會主動探索其病因及治療
推介意見- 已視為本人的必然選擇