經歷詳述:
4月18日預約11am去海洋中心12樓12室睇醫生，結果等了30分鐘都未輪到我。同姑娘反映後終於安排我入去了。

一入去醫生問我咩事，我話我應該係傷風感冒，流鼻水。佢問流左幾耐，我話流左1日，佢問即係幾多日，我話咩即係幾多日，就係一整日。然後佢話：流左一日鼻水啫下話，我就答佢係呀所以我黎睇醫生。之後循例睇下我喉嚨同聽下我呼吸，問我有冇藥物敏感。我就話：咪住先醫生，重點係我懷孕6週了，可否開d孕婦可以食既藥俾我。佢咩都冇講，寫完帳單就同我講，得啦你可以出去了。我正準備起身，佢又再講一次，你可以出去㗎啦，好似我阻住佢賺下一個病人既錢咁。

出到門口d姑娘又推我出去。如果你地真係咁有效率我洗鬼等成半個鐘？重點係個醫生開d藥根本就係普通藥房都買到，panadol同Zyrtec。咁就盛惠$380，好過搶錢。食左幾日藥，毫無好轉，仲演變成發燒！呢個醫生係我遇過最冇醫德既醫生！

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧