經歷詳述:
不知所謂及極無醫德嘅診所
姑娘非常冇禮貌 唔專業 自己做錯嘢又唔肯認 賴落個病人度 非常不負責任
醫生欠缺經驗 開嘅藥冇用
診所運作極唔順暢
西醫reception嗰個位永遠都冇人坐喺度 又冇鐘仔 每次都要病人撳隔離牙科嗰個鐘仔 然後要牙科姑娘叫返西醫姑娘出嚟
明明已經事先打電話落去問吓使唔使掛號留位 問清楚半個鐘後到嘅話有冇位睇症
接電話個姑娘話可以隨時過嚟 唔洗留位
點知20分鐘內落到去 個姑娘竟然話唔再收症 話因為好多人
當時診所入面有少過10個人等緊 距離診所閂門仲有個半鐘
同咗姑娘講明明已經半個鐘前打電話落嚟問清楚有冇位睇症 佢話可以隨時過嚟 我仲要早咗到 結果竟然係冇得睇
問姑娘咁點啊？呢個時間我喺邊度搵第二個醫生睇？
個姑娘非常冇禮貌咁話：我哋今日停止咗收症架啦 你去第二度睇啦
因為我當時真係好需要睇醫生 我亦再三表達我等唔倒聽日
我再問呢個時間我喺附近究竟邊度有得睇醫生？ 呢個時間仲有邊度會有診所收症？ 姑娘不負責任同帶有語氣話：你可以去醫院囉
然後姑娘仲要唔肯認自己接咗個電話叫我可以隨時落嚟睇醫生 話唔洗掛號
對於呢間診所極不負責任嘅表現 我有表達我會投訴 而姑娘嘅表現亦會影響陳醫生 診所嘅反應係：好呀（歡迎投訴)
真係不知所謂 病咗仲要受呢啲極冇醫德嘅醫護人員氣

給診所嘅寄予：如果你係求其搵份工然後打扮工mode嘅話 唔該真係唔好做醫護去害人 因為你連基本嘅責任感都冇



簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧