經歷詳述:
同公司有醫療卡合作，但唔俾人用醫療卡！！
唔想受氣唔好揀呢間睇！

醫生診症冇乜問題，護士好離譜，打去預約，佢會係咁逼你唔好用公司醫療卡，講一大輪用卡醫生收得好少錢，話用現金醫生會開心啲（佢重覆咗好多次係咁說你），都算，因為佢話唔肯定醫療卡睇專科，冇轉介信用唔用到，我哋話如果用唔到醫療卡，照睇，轉俾cash，好合理呀係咪

結果！去到診所，佢即刻問係咪俾cash，我哋話試下醫療卡先，佢西面，都唔緊要，睇完醫生出黎拎藥，拎完，佢突然一句突埋黎∶ 喂呀你又應承俾cash！我哋即刻呆咗，話冇喎！佢係咁話有🙄🙄🙄

嬲嬲哋我話聽翻電話錄音都得！佢即刻冇聲出。癡線，醫生肯定默許咗護士先夠膽咁做，做醫生做到咁窮，唔好join人哋公司醫療卡計劃囉，又要靠同公司合作R客，又要出口術唔俾人用！大佬醫生開唔開心啲關我咩事？？有醫療卡要病人自己真金白銀出錢？？為咗你哋醫生開心啲？？？睇你係呼吸道有問題，唔係傻咗。退一萬步你係醫生，我係普通打工仔，同我哋賣窮賣慘係乜事



簡評:
個人觀感- 態度有失、醫德有損
經歷過程- 求診病人實在太多，等候需時
推介意見- 本人絕對不會再作光顧