經歷詳述:
平時睇醫生通常唔會多過5分鐘， 不過黃醫生竟然同我傾咗15分鐘。佢真係講得好詳細。。。

我搵佢有3個病徵： 第1個係胃痛； 第2個係我皮膚塊面成日都紅，敏感。平時睇完記得醫生 搽咗藥膏其實都冇事，不過好容易反發。不過睇皮膚醫生成日都要千二蚊以上。咁啱見到黃醫生佢都有皮膚科文憑所以順便問一問佢； 第3個病徵， 就係我手術後疤痕，有蟹爪症狀

黃醫生 每樣都同我一一解釋。我攞藥時，有成5 款藥咁多。只系收咗我$400.

5款藥，有2包係胃痛，另外三包係食嘅皮膚敏感藥+原裝嘅藥膏(唔係醫生"畢"出黎嗰d) + 少少類固醇嘅藥膏

其實，我之前睇開黃醫生，係喺九龍站嘅一個醫務所。 而家佢自己開診所

上次我傷風感冒，只係收咗 $250. 我睇完佢都好快好返。不過，醫生依d 依啲系夾人嘅。咁嘅收費，真係可以去試下，地點算方便，喺朗豪坊隔離
簡評:
個人觀感- 詳盡親切、耐心施診
經歷過程- 醫生會從病人出發去提供意見
推介意見- 值得向有需要人仕推介