經歷詳述:
我因為智慧齒橫生，頂住前面大牙多年，最近終於下定決心剝智慧齒，但前面大牙已經蛀到好深，好大機會要杜牙根。因為見麥醫生要排期，就見左另一位杜牙根專科醫生先，佢照完X光就話「兩邊大牙都要杜，全香港無人幫你補倒」……
最後我都係想等埋麥醫生，聽下佢睇法。麥醫生好溫文有禮，會開住iPad睇住牙齒解剖圖，同我解釋我兩邊大牙情況，唔似另一位醫生咁倉促。麥醫生話一邊好大機會要杜，但另一隻牙可能有救可以試下補! 我聽到好感動，好彩有睇多個醫生問 second opinion T__T
我因為之前搵另一位牙醫剝智慧齒嘅經歷太血腥暴力，第一次見麥醫生補牙時成個人不自覺震哂，腳都震到要用力夾住，我話我可能 PTSD /-\…… 麥醫生叫我聽住音樂，又為我夾手指 check pulse 同血含氧量，俾時間我冷靜。最後補牙成功，救到一隻大牙唔使杜~ 亦再去左兩次杜牙根，過程最痛都係打麻醉針嗰下，手術過程係無痛嘅。每次問問題，麥醫生都詳盡解答，令我對自己病情掌握得好啲。
收費專科黎講好合理，補大牙三千幾，杜牙根萬幾未到二萬。So far consult 過3位牙醫，麥醫生收最平。
今次救到隻大牙，我真係好感動。其實無論隻牙補到定要杜，我都好appreciate麥醫生起碼肯嘗試去補，俾個機會我隻牙 (佢話蛀嘅位都真係好難補)。成日聽有啲牙醫係咪都叫人杜牙根，麥醫生嘅醫德係我作為病人最欣賞嘅!
Take home message: 大家睇病真係要問多一兩位醫生攞專業意見，隨時可以救返自己隻牙唔使杜 T__T

簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 值得向有需要人仕推介