經歷詳述:
首先係姑娘嘅態度非常惡劣， 不友善，一些病人不知的小問題遲咗出聲就畀佢鬧到狗血淋頭， 坐響到等候的病人都同時一齊望住佢，佢都不覺得羞恥，如果覺得咁難做嘅咁不如唔好做。

醫生方面，我只係講出我近呢排有心臟覺得唔係好舒服，唔知係唔係講得多少少，不過大概都只係四、五分鐘左右，醫生就有點不耐煩，到最後醫生居然同我講咗一句說話， 「呀先生， 咁究竟我有乜嘢可以幫到你呀？」我聽完呢句說話真係覺得好諷刺，我係嚟睇醫生，梗係希望醫生幫我，我如果知道自己有乜嘢方法可以幫自己，我就唔需要去求醫。 之後我只好啞口無言，到最後佢就敷衍我叫我做下心電圖或者照下CT睇下點。

簡評:
個人觀感- 有欠詳盡、耽誤病情
經歷過程- 求診病人實在太多，等候需時
推介意見- 本人絕對不會再作光顧