經歷詳述:
無良醫生屈人入院

話說阿仔感冒完退左燒2日，燒時亦無話好嚴重 ，38點幾咁，點知今日阿仔無啦啦又話耳下痛，我地噤下又見腫左未見過唔識呀 即刻打去醫院問， 有兒科醫生即去睇啦，嗰位未睇過嘅江醫生一黎就話安排同佢做檢查啦可能含膿， 睇2下就話同 你安排入院啦

好嘞阿仔未入過院，好驚，諗諗下想聽日先再黎睇相熟醫生，話唔入，護士ok ，轉頭話醫生要同我地傾，一黎係咁話聽日唔抵，你要住一晚先claim到保險呀，佢就話聽日要住耐d呀又要等，5點後又貴，挽下手要星期日先搞掂呀，我地話想唔瞓醫院，佢點都話瞓一晚最快，又話check左冇乜事食抗生素就好，好嘞我無醫學智識，比佢兇到以為要check ，入左，但完全feel到佢目的

入到院見到相熟醫生，即刻要求轉醫生，護士ok ，江醫生即刻打黎嬲豬話唔洗轉，又逼護士同我地explain ，我堅持final decision 食咩藥咩treatment要相熟醫生話事，護士都話完全明白，江醫生個人意見你唔洗理

最後好好人嘅相熟醫生特別半夜入黎了解完病歷再特意同我地解釋(同鬧我地) 個d乜抽血拎d鼻屎同撩口腔去種菌係完全無謂同令阿仔受不必要嘅痛苦，叫我地記住唔好急唔好亂(被人兇到) 佢話醫生入面都有衰人....你要自己保護個仔‍♀️佢話你個仔咁精神食得玩得跑得又多野講，邊度有事，同埋感冒後小朋友有淋巴腫係會自己好ga ，佢話你如果聽日黎睇我會話你知無事‍♀️‍♀️佢仲話兒科醫生有指引3歲以上先撩喉ga ！！個江醫生真係為錢唔理d 小朋友

佢完全冇講有機會係燒後淋巴問題，淨係話可能有膿，一係佢唔識一係搶錢，診金300變2300
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧