經歷詳述:
呢位蒙家興醫生，見佢係我保險間中心睇症就靠個信字去揀咗佢睇。Book佢之前聽家庭醫生果邊嘅建議，特登問吓佢是否識得睇頭頸方面嘅外科（因我係頸部腫塊，家庭醫生提我話香港唔係個個外科醫生識睇頸部），跟住個姑娘問完覆我話佢可以睇。咁我就約時間啦。

第一次睇佢見到佢個面相就已經第六感感覺非常唔舒服，之後也證實我第六感係凖。等咗個零兩個鐘先見到人嚟，坐低咗見佢佢都係咁顧自打電腦好耐唔同你講嘢。兩三分鐘睇完，唔覺得佢有講任何有價值有意義嘅嘢，就話安排我去照超聲波。好啦，照完再第二次覆診就咁幾星期過咗啦，極度簡單半分鐘講咗報告，然之後佢竟然同我講頭頸外科唔係佢嘅範疇，叫我再約頭頸外科醫生跟進！

如果當初我問嘅時候就咁坦白老實話我知佢唔識睇頭頸外科，我一早都唔會book佢啦！睇病人完全冇醫者之心，求求其其一兩分鐘輕鬆打發走病人，就咁嘥咗我兩次保險門診同寶貴求醫時間。以為自己有多年嘅醫生經驗就夾硬無知扮有知，無料當有料！可惜呢度最低1分，否則有負分我一定俾呢位蒙醫生負分！

簡評:
個人觀感- 態度有失、醫德有損
經歷過程- 診証時間極其急趕，快來快去
推介意見- 本人絕對不會再作光顧