經歷詳述:
今年4月
呢位劉仁傑醫生，我婆婆搵佢睇腳痛，佢就安排做打磨半月板手術，係用微創做，呢種手術喺日間醫療中心都可以做到。佢竟然最後安排我婆婆入醫院做手術都唔係問題，最離譜嘅係一個咁簡單嘅手術，佢手術當日要搵多個骨科醫生一齊做，簡直係離曬大譜！！屈錢！！無良到極點！！重點係呢個安排「事前」從來冇同過我哋屋企人講，只係喺做手術當日嘅早上先至講，手術嗰朝佢仲在毫無預告下提前同我婆婆做手術，當時只得我阿公喺現場，兩個七十幾歲嘅老人家，呢個無良劉醫生😡就係喺當時先同兩個老人家講會有兩個醫生嚟幫佢做手術，啲老人家都唔知點反應，就手術開始了。我哋啲後生到醫院嘅時候佢已經推咗入手術室，我係幾時先知呢？！
答案：出院埋單嗰日先至知😡
當時個護士同我對單時仲特登強調講咗「三次」，話呢個手術有兩個醫生做㗎！我起初聽第一次冇乜感覺我以為麻醉師，後來覺得奇怪姑娘咁強調講三次先識得問姑娘，點解從來冇聽過會咁樣安排？佢話有時都會有呢啲情況不過詳情你要自己問返醫生。簡直豈有此理😡😡😡咁無良嘅醫生都有！
做個微創手術要收成七萬蚊，當中已經畀佢屈多咗萬幾蚊為著搵多個醫生嚟，做一個打磨半月板嘅小手術仲要微創，但係要搵「兩個」骨科專科醫生嚟做，香港開埠以嚟我都係第一次見😡
擺明係搶錢！！！
大家千祈唔好見呢個劉仁傑醫生好似好温柔細心又扮到好關心老人家嘅假面具呃到，佢仲扮到好有耐心同耐性解釋畀老人家聽，佢診金特平！！！只收$500-700, 但係喺後面就大啖咬返你咪係一樣！所以千祈唔好唔好貪診金平而信佢。
最後我婆婆做完手術已經幾個月，
唔單止無出現林醫生之前所講：腳上嘅痛會消退八九成仲可以行返路，而係手術後繼續痛，一行就痛，同手術前一樣冇分別！婆婆術後一直腳都仲係好痛無法正常行路，於是術後第三次去搵佢，呢個無良醫生仲提議我哋如果真系唔得可以再做多次手術！？😡我同佢講咁快做多次手術喺同一個位置,就當我哋有買保險都claim唔到啦,佢即時就講：「可以話第二次意外」呢啲醫生真係為左賺錢可以不擇手段，好恐怖！

呢個正一無良骨科醫生，尖沙咀漆咸道；沙田新城市廣場同屯門栢麗廣場都有診所，希望大家唔會好似我婆婆咁七十幾歲遇到個無良醫生，祝福大家身體健康。

簡評:
個人觀感- 診效不顯、收費不稱
經歷過程- 只知取藥付費，未能盡釋疑慮
推介意見- 本人絕對不會再作光顧