經歷詳述:
浪費各位小小時間睇 有小小長不過真心想大家小心
本人早幾日因身邊不適到醫專業見葉醫生
見醫生時醫生冇向我了解清楚就叫我做腸胃鏡
然後就同我講出去等姑娘會幫我安排 正當我準備出去時 就聽到醫生大大聲,態度好差咁同個札好長頭髮嘅姑娘講叫佢安排 我聽到嘅時候已經嚇一嚇 心諗個醫生對個姑娘好似有仇咁 不過個姑娘對醫生好好態度咁話係知道,收到 之後就同我一齊行出去大堂
後來姑娘都好好態度咁問我想幾時做腸胃鏡檢查 *姑娘好專業(一點都冇被醫生態度影響) 後來我就比左個日子佢 佢叫我坐底等一陣幫我安排好,準備好啲文件就向我解釋
我等緊嘅期間就有個無札頭髮無著姑娘衫嘅女士走左出黎 走去同幫我處理文件既姑娘講左幾句就拎住啲文件叫我行埋去 話同我解釋做腸胃鏡要注意既事項 後來佢好似好趕時間咁講一堆野出黎 無理過我聽唔聽得明 就叫我簽名 交診金同按金
交錢後就話可以走得
反到屋企 仔仔問我點做腸胃鏡我唔知 要注意什麼我又唔知 只知道果位女士叫我留意張紙 唔明就自己睇張紙跟住做
仔仔就發脾氣話 佢地點做野 解釋唔清唔楚 只知道收錢 一點醫德都沒有 我本想取消檢查 但當時收左我1000按金 講明如果取消的話收走按金不退回 所以就沒有取消
直到作腸胃鏡前一天早上有位姑娘打電話給我提我做檢查 當時我就向姑娘說明我唔了解點做及注意事項 當時姑娘好有耐性地向我解釋要飲瀉藥作清腸 然後什麼可以食及不能食 檢查前要做什麼等 而且佢話有什麼問題可以打電話再問佢 (後悔冇問清楚姑娘姓名)

總結
第一 醫生沒有了解清楚病人情況亦冇作任何檢查就要我做腸胃鏡
第二 醫生態度極差(對病人及姑娘)
第三 有位無札頭髮既女士冇向我解釋佢係咩人
第四 無札頭髮既女工冇耐性 趕時間地解釋 冇理會病聽唔聽得明
第五 只知道收錢 收左錢就趕人走咁
最後
第一 要多謝果位打電話給我既姑娘 雖然有點早打給我 不過好有耐性地向我解釋 並且解釋得好清楚
第二 真心希望札好長頭髮果位姑娘可以認真諗清楚是否應該繼續留下繼續工作(始終當着病人前醫生好似有仇地同你說話)


簡評:
個人觀感- 態度有失、醫德有損
經歷過程- 只知取藥付費，未能盡釋疑慮
推介意見- 在無其他選擇下可一試