經歷詳述:
本身有濕疹底（就算冇發濕疹都可以係明顯位置見到濕疹既疤痕），有次係右眼附近生一粒粒摸落去硬既粒粒，又痕又痛，自覺同濕疹好唔同，平時睇開既家庭醫生放假，聽過附近有街坊話沈泰幾好，就去試吓。
醫生睇完話係濕疹，俾類固醇藥膏我搽，開止痕消炎藥我食。食完藥第二日完全冇好轉，粒粒更開始傳染埋左眼，無耐第二朝返去揾家庭醫生，家庭醫生一睇就話係生蛇，仲話生蛇上眼有可能影響視力，需馬上睇皮膚專科及去眼科作檢查，生蛇會傳染其他人，亦需要休息，開左7日假俾我，叫我唔好返工住。

日後我再上網查有關生蛇資料先知，原來生蛇唔應該用類固醇醫，有機會更嚴重。我自己感覺沈泰根本冇檢查清楚病徵，求其見你有濕疹就話你係濕疹發作，諗返果次生蛇可能會因為佢胡亂施藥，令病情加劇，影響終身視力，我就覺得心寒，覺得點解佢咁樣亂醫都做到醫生。

不過有街坊讚佢又係事實黎，可能人夾人緣，又可能佢睇普通傷風感冒好正常。

簡評:
個人觀感- 有欠詳盡、耽誤病情
經歷過程- 醫護之語調態度令人無所適從
推介意見- 可能人夾人緣自己衡量