經歷詳述:
今日(14/10/25)啱啱睇完，醫生好冇醫德，以前聽人講佢係好醫生，事後上網發現原來他劣評如潮。

我4點鐘到診所5點醫生先開診，只係12個人輪候等咗兩個鐘。

一入去俾醫生睇我個covid測試，佢話我嗰個結果唔準確，佢話宜家已經冇哂covid(呢句好唔專業)，又質疑個牌子，到佢發現係大廠又話可能過期(昨日買，事後我問藥房到期日2027，藥房都覺得個醫生好奇怪)。

最初我都平心氣和問佢有乜可以做，佢好串地叫我離開再自己測試過，然後自己再去睇醫生，唔睇佢去睇隔離嗰個夜診都得，他堅持這一刻，什麼都不會做，他不會和我做診斷，也不會開任何藥，就算有可能是普通感冒。

而我上兩個星期啱啱中完甲流，今次個感覺更加唔舒服，先至嚟睇醫生，冇人會想病。

其實就算真是普通感冒，佢都應該要幫病人診斷，但他只是不斷叫我離開，同埋講啲好自以為是嘅主觀說話，而說話內容非常唔專業如下，這是我生氣的原因：

1️⃣知我曾中甲流，他表示宜家甲乙流好普通，就算返工同返學都冇問題(就係呢啲庸醫搞到大家唔睇醫生變咗帶菌者傳俾高危人士)，食唔食藥都得，而尋日啱啱先有13歲女童乙流死了。

2️⃣佢亦講就算我曾中甲流，再唔舒服都好正常唔使睇醫生，而甲流乙流只需要食特敏福咩都唔使做，好平常好少事，如果係covid更加冇藥食，政府已經收返曬啲藥，而且再強調已經冇covid。

3️⃣最後，佢主觀判斷我係普通流感，又或之前甲流嘅後遺症，但完全冇做任何問診。我本身就已經有黃色鼻水，而且有肌肉痛，同埋我係做高危嘅工作，會傳染病菌俾高危人士令到佢哋死亡。

但個醫生自以為是，覺得人地想呃假期，或主觀判斷了個測試唔準確，又唔想承認自己太武斷，成個過程都好唔專業。

4️⃣最唔專業係自相矛盾，一邊話唔會同我做任何診斷，但中途話會俾今日嘅假紙我，在完全冇任何嘅問診之下，而我亦冇要求佢俾佢只係想打發我走，其實咁樣算唔算是失德行為？

就算我真係冇covid或甲乙流，普通感冒都應該問診或者開藥，佢同我講覺得唔使，但萬一病人有乜嘢慢性病死咗，醫生是否需要負責，他的行為就如同延誤診治，而結果已到夜診時間(之前睇過600至千幾)，而屯門已經冇其他醫生可以睇，而我就花了兩小時在這庸醫身上。

就算個測試唔算準確，但醫生態度實實在傲慢和唔專業，而且十分武斷，完全沒有問病人背景資料，醫生該問他都沒有問，例如我有否外遊，他完全沒有問過。而我聽到的大部分係醫生不應該要講嘅說話(病唔睇醫生可以返工翻學)。

總之，最後我明明有普通流感病徵，他在沒有任何診斷之下，也沒有開藥給我之下，沒有收錢就叫咗我走。另外，佢開咗一張證明我有感冒病徵的假紙(他自己開的我沒有要求)，口裏說唔會胡亂開假，但講完一堆自以為是冇醫德的主觀判斷後，就開咗假紙，回想已經犯咗醫生專業守則。

我覺得醫生純粹因為一開始就斷定個測試係錯，又講咗句如今已經冇covid，為咗個人面子才會有後續的情況出現，就這個態度已經完全違反醫生專業操守，也浪費了病人寶貴的就醫時間。

大家諗下如果係你，去看這個醫生，萬一真係有事失去生命或者錯過醫治，就算追究到佢都冇用，所以強烈勸喻大家要三思。


簡評:
個人觀感- 態度有失、醫德有損
經歷過程- 求診病人實在太多，等候需時
推介意見- 本人絕對不會再作光顧