經歷詳述:
啲登記嘅護士態度極差，等左一個鐘諗住行開去個廁所，問一問佢幾時到我，就話叫我留係到等，過左你就過左你，我反曬白眼，真心未見過咁垃圾嘅診所護士。

入到去個醫生更加不所知謂，我話個人有燒有氣促，3日前睇醫生佢話係過濾性病毒感染，而我都反覆咁發燒，但有食藥就冇燒，一退燒就唔氣促，冇食藥就發燒。睇危醫生依日我冇曬藥食先黎睇醫生。佢就challenge話我係因為情緒影響，咁我好肯定唔係因為情緒，之後佢就話如果食住藥都咁，你去睇急症啦，我就問佢開張referral，佢都唔肯開。。。

睇急症，個分流護士比左緊急我，比我坐輪椅入，急症室醫生問我有冇referral，我話危醫生唔肯開，而急症室醫生就笑左，之後話咁唔緊要。。。個急症室醫生即時開左2粒退燒藥（Panadol 500mg 2粒）比我留完尿即刻食，最後結果都係話過濾性病毒感染，心電圖、X光片同驗尿結果一切正常，都係開番同我3日前睇嘅藥一樣，可以唔洗留院觀察，除非再發燒5日。

我之所以打曬成個我尋醫嘅故事出黎，係想大家自己衡量危醫生睇我依個病人嘅實力。

而在我而言，危醫生態度真係好差，我唔知佢睇唔睇得好，但係真心我覺得，我作為一個病人，我人唔舒服比錢同用我時間黎睇醫生，你仲要比說話我聽，我會好唔gur，即使外面集團醫生都未試過好似佢咁嘅態度。我覺得如果真係要睇，我會寧願睇集團醫生或急症室，我絕對唔會再睇危醫生，亦勸大家睇其他醫生。

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧