經歷詳述:
話說前一日收工時發覺腰骨唔多妥，有刺痛感覺，（本人從事電器行業，會搬大小貨物）返到屋企都以為自己扭趁或者拉傷左肌肉，打算第二日就睇醫生。公司有醫療卡，上網搜下網絡醫生，發現最近屋企就係林志強，於是就去睇啦。去到冷清清，都已經覺得無人睇，係唔係唔得？算啦，反正唔洗自己錢，因為有醫療卡（因為前面路過一間診所，見果間都幾多人睇）入到去登記完，見林志强醫生時，第一句問咩事，我話腰骨痛，琴日搬重野扭趁，佢立即話好正常，我話我彎唔到身，訓係度都痛，動作大D都會痛，佢開始不耐煩，好正常，食D藥會好返。由頭到尾都無講過重點，我開始擔心，食藥治標唔治本，想問下會唔會轉介睇專科？（純碎擔心唔係肌肉拉傷）佢竟然話，我覺得你好正常，無事WOR~果一刻我都唔信竟然出自一個醫生把口，我話我痛你知咩，你覺得我正常，我話你聽我腰骨痛，你唔睇你可以轉介俾其他專科醫生睇，之後佢就開始好晦氣咁講，我唔睇你，你去第二個醫生度睇啦！聽到呢度，我先發覺我一心打算去睇醫生，原來個醫生係覺得我講大話，呃病假紙！我當然理直氣壯咁講返俾佢聽，我咁後生（本人26）唔應該有腰骨痛，幾十歲就話好正常姐，我黎睇醫生梗係有事啦，我要呃張醫生紙大可以隨便作個借口肚痛，頭痛，你咪一樣開紙，洗乜咁蠢話自己腰骨痛！發誓，你請我都唔會再去睇，態度差，無醫德！當自己黑仔，遇上庸醫！
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧