經歷詳述:
李醫生好好人，好細心同謹慎，仲好有醫德。因為我上年搵李醫生接生(係D護士朋友介紹 - 個2個B都搵佢接生)，但我成日見紅，佢驚我早產，在4個幾月時，叫我一定要book 定公立醫院，佢話如果BB早過34周出世，就去公立生，唔好去私家，因為好唔抵，BB可能要住氧氣箱，要成1萬蚊日。而我見紅見到成7個月，佢建議我入法國打3支強肺針(住了一晚醫院，所有費用加埋都只係2千幾蚊)，之後就無見紅。而同佢夾既女痲醉科醫生又好好，可能因為我有哮喘，係開刀前，痲醉醫生黎病房了解我個情況。做梗半身痲醉時，我好驚，李醫生觸住我隻手，不斷同我傾計，安慰我同分散我O既注意力，等我唔駛咁驚。接生個陣，好快就攞左亞囡出黎，仲留埋臍帶血，成個過程約一個鐘，就可以返病房，我已經好精神仲可以不停講野，之後李醫生同痲醉醫生分別黎睇我是否OK。我下次生都會搵李醫生接生。