經歷詳述:
朋友介紹我去睇,因為佢我先至唔睇任何資料就直接預約直接睇,好可惜體驗非常差。
首先護士要我預約前15分鐘到,但係要等咗成一個鐘先至可以見到治療師,一問之下原來之前病人預約時間同我差唔多,分配時間真係好差,過往試過其他醫生,都唔需要等咁耐。
係我冇打錯,因為見醫生前要先見到心理治療師,其實我本身好抗拒見呢啲人,因為喺我心目中真係唔會單單傾幾句就會幫助到我嘅病情,可能真係有啲好勁嘅治療師,我諗仲難過中六合彩。
終於等到見治療師,我第一眼就好愕然,因為佢係一位六十幾歲嘅姨姨同我傾計,一開始就只係問我好瑣碎嘅屋企背景,但係欠缺引導令我放鬆同佢傾計,感覺上好似同一個社工見面咁,全部專業,很好態度都ok。最後我直接同佢講我對治療師好抗拒,因為我唔信傾幾句計就可以治療到,就算係行為治療都要我自己去做,所以對於我嚟講見治療師等於靠自己,好彩佢態度都幾好,佢話希望下次再見面可能有更好嘅進展。
出去再等咗一個鐘,終於見到醫生,我想強調診所其實係冇乜人,唔知點解要我等咁多時間,一入去我就真係打咗一個特,竟然有個人係做旁聽,醫生同我講話係佢學生,我哋唔會傾私穩嘢,心諗咁我見你嚟做乜,原來係呢半個鐘佢淨係介紹啲藥係點樣點樣,畀一疊藥物嘅資料我,我覺得我自己好似聽緊書,正常政府醫院有人旁聽都會一早同病人講,但係由我預約到坐喺度姑娘都冇同我講過一聲。
佢介紹藥物中就問我有啲咩病徵,我就講出我嘅病,跟住我話我唔帶走呢啲宣傳嘢,我話我影低就可以喇,佢話呢啲揸住睇好啲,我話費事要咁多喇好唔環保,跟住就話我你用水費都已經好唔環保,我話我就係已經好唔環保我唔想再浪費地球嘅資源,跟住是不是又講我因為你有乜乜病所以你唔會掂呢啲,其實我從來未聽過醫生係咁樣對待病人,到離開時態度都好似高高在上咁,對病人毫無同理心,只介紹自己網上訪問,叫我去聽,我心諗你咁嘅人,根本無需要。
唔記得當中嘅重點說出,佢一知道我唔喜歡睇治療師,佢就講一堆醫學理據話治療師同食藥先至會幫助到病情,但係我仍然堅決,佢嘅樣好唔耐煩,就講咗一句,咁樣我未必幫到你,我心諗其實即係你唔想醫我啦？
最後奉獻大家,都係搵返啲專業醫生,呢啲半途出家,只係用藥,以治療師話畀佢聽個病徵。

簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧