經歷詳述:
老公幫我book嘅..準時上到去..結果等咗成2個鐘有多!!
一入到去醫生都算有禮貌:"唔好意思..要你等咁耐"
咁就同佢講咩病徵啦.."我下面生咗d粒粒..驚影響肚入面個bb..所以嚟睇"
之後佢就叫我瞓上床..佢睇咗陣話無呀..再叫姑娘俾個鴨嘴佢..
嘩..一下就隊入去..超痛..再用長綿花棒撩..一直都痛緊
醫生話"你陰道有d發炎啫.."跟住叫姑娘俾鏡同綿花棒我..
要我指出我講嘅粒粒係邊..我指完..
佢一邊起勢咁撩同篤我指嘅粒粒..(我勁痛..佢完全無諗過我會痛!!! )
一邊講"因為懷孕陰道會充血..好易有呢d嘅"
(姑娘一直望住我下面..其實我老公都係度..醫生都問我叫唔叫老公睇吓..我都唔想..但個姑娘完全望到實一實..個感覺好不受尊重!!!!!!!!)
佢再篤其他地方..(痛) 再講"呢d呢d先粒粒.."
再又撩又篤我指嘅粒粒再講(又係痛) "你話呢d係粒粒呀嘛..其實好正常㗎咋"
之後就話我陰道發炎要塞藥..
就教我塞藥同幫我塞藥..(係睇醫生成個過程中醫生最好嘅時候)
落床..佢就開始講解..
佢講咗幾句..講到d粒粒..我心急 咁問咗句.."咁d粒粒究竟...."都未問完就俾佢話"我而家咪講俾你聽囉!! "
咁問心..佢講解都算正常..仲會畫圖俾你睇..
不過你有問題唔駛指意問佢囉..
佢好似唔俾你問嘢咁..一問話你..
見完醫生..攞藥啦..診金$900..藥$200 種菌$250
我睇到張單..嬲到不得了!!!!!
(要我等咁耐..睇醫生嘅過程又勁痛..仲要個姑娘令我感受咁差..仲要收我$900診金..)
我知道陰道發炎要種菌..不過完全問都無問過我就寫埋落去..
去天x(會開通頂嘅醫療集團) 睇..佢哋都會同你講要種菌..加幾多錢..你ok佢先做..
都算啦..始於都要知係咩菌/會唔會有咩事..
講藥啦..要塞7日藥..仲有d藥膏咁..
個姑娘叫我7日後睇覆診..我問點解啦..
佢竟然同我講"一嚟睇報告啦..二嚟7日藥唔夠嗰喎..你點都要返嚟..同埋都要睇返而家開俾你隻藥啱唔啱你"
聽完..我問:咁覆診嗰日仲駛唔駛等成2個鐘㗎??
姑娘"um..覆診可以去細房..可以快少少..咁你book唔book埋時間覆診?? "
我開始燥..老公都feel到..已經同姑娘講出報告咗先打俾我哋啦..
個姑娘仲要繼續追問book幾時覆診..
老老實實..我絕對唔會再想上嚟你呢度囉..
D姑娘完全唔識預時間..有咩可能打咗嚟預約都要等成2個幾鐘??
醫生極之粗魯..你身為女人..做得婦科..係咪應該有返d同理心..你咁篤..會痛㗎!!!!!!!!!!!仲要咁貴嘅診金!!!!!!!!!
仲諗住叫我返嚟俾你劏多次..貼錢買難受..唔好玩啦!!!
簡評:
個人觀感- 診效不顯、收費不稱
經歷過程- 醫護之語調態度令人無所適從
推介意見- 本人絕對不會再作光顧