經歷詳述:
我打呢篇報告既目的係為左提醒知音唔好中伏，祝早日康復!
我家父因為患上急性風癩而急需求醫。慈雲山毓華街40號有3間診所連住，3間係星期日都有開門，左面同右面2間都爆滿，唯獨中間既陳嘉成醫生無人睇，情急之下就入左去睇。點知有個奇怪既$20登記費，爸爸因為年紀大忍唔住全身痕癢太辛苦，所以俾錢登記睇醫生。當日係由第二個陳醫生當席，佢hea hea地咁診症，好彩打左支針之後止左痕。因為當時本人不在場，又孤漏寡聞，對於聞所未聞既登記費傳有疑問，所以第二日打去診所問姑娘了解。我同第一位接線既姑娘講述情況同表明致電原因，佢叫我等等就交帶俾第二位姑娘。第二位姑娘接聽之後我再複述一次情況同致電原因，問佢點解要收登記費同登記費既作用係咩。個位姓邵既姑娘開始轉態，佢答話我呢到話要收登記費咪要收囉，咩作用咪問你攞張身份証幫你填資料囉。佢只係將我條問題用差既態度敘述左一次...丫 ，佢加多左句話如果我去政府醫院睇急症都要俾百幾蚊登記費wor。如果佢既條件比較係成立既話，我唔明點解間間診所都無收登記費唯獨係佢呢間要收，而且服務重要咁差tim wor.. 咁我得唔到個合理既解釋就更係再追問佢啦，點知佢態度越黎越差....佢突然問我爸全名，我以為有轉機佢會幫我俾個新既解釋我或安排退款咁啦。點知原來佢只係想起我底紀錄在案，再以我唔係病人本人為理由，叫我一定要帶埋阿爸過去佢診所先好再同佢傾，否則佢唔會再答我。我見佢都好惡咁同我講野同無誠意去令到件事愉快D，我就同佢遘唔該晒你丫byebye。佢就一句野都無講好無禮貌地cut線。我唔會勞煩年紀大重未完全好番既父親大人去搵德行有問題既醫生同護士去理論。
陳醫生定立不合理既登記費之後叫護士去執行，護士以惡劣既態度對待「客人」，足以反映出此診所只顧謀取暴利而非以仁治醫德去服務市民。只想提提未去過睇症既朋友小心，希望你快D好返!
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧