經歷詳述:
一個好鍾意講到離題嘅醫生，說話有骨且帶歧視。

1: 佢話：香港人唔識嘢缺乏對自己身體認識，唔似好多歐美國家人士可以DIY自己鍛練增強返肌肉就慢慢好返，都唔使下下過嚟睇醫生......
受診人感受：語帶睇唔起自己人，咁佢成日幫我地本地人診症真係辛苦晒！而且假若個個都咁叻識自療的話，咁請問醫生仲有人來俾你睇症嗎？

2: 轉介照完磁力共振發現關節冇問題，佢又話：唉！照果邊實當我傻仔，冇事都轉介過去照！
受診人感受：一、係醫生你本人提出話照的，作為病人都係聽你話做，唔係迫你轉介的，唔好講到將責任推到受診者身上咁。二、照X光，MRI等等就係要靠儀器比較精確檢查有咩問題，難道做咗骨科醫生咁耐嘅你, 會覺得結果係有事先值得去照？嚟得睇醫生，如果冇痛冇唔舒服，難道嚟嘥時間聽你亂講？約去第二個地方照呢樣果樣，難道又唔麻煩到受診者？我哋唔係嚟玩嘅！係真心想醫好傷患的！

3: 同醫生講隻手痛，未經檢查即刻被回應一句：你係咪戴得首飾多？！不如換過晒佢買過d新嘅再貴d嘅仲好！然後佢望一望旁邊嘅姑娘冷笑。
受診人感受：簡直無言！完全唔相信面前係一個專業醫生，無論態度同回答內容都離譜！

所有全屬事實，尚有其他嘅“精彩對話”未能盡錄。

4: 當然，最後受診者主動積極再提問下係會得到佢喺正題上嘅答覆，不過就從來唔俾建議，只係話：留返俾物理治癒師搞啦！（意思係處理患處）不過一定要搵個好嘅治療師先有好效果！
受診人感受：原來林醫生喺呢個求診個案上只診斷症狀，唔會去醫嘅！但至少希望佢可“主動”俾到一d有建設性意見，而唔係要受診者一一追問：用咩方法去訓練肌肉？練幾長時間？有什麼動作要注意避免？等等⋯ 如果受診者連呢d都冇問，佢根本就冇打算講俾你知呢類實用資訊。

講真，普通人真係有可能唔清楚的，冇接觸過呢個範疇唔代表冇common sense; 上網睇嘅資訊又不盡不實，當然係相信醫生嘅專業、知識、判斷同醫療先會嚟睇的。亦當然，睇完後對於呢個醫生極其失望⋯⋯

如果大家時間多，又想聽呢個醫生成日自己離哂題講嘢的話請自便！受診人淨係聽佢一人自說自話講廢話都聽足大約30～45分鐘。

最重要係，睇完佢又覆過診（最後一次佢叫受診人自己觀察住如無需要不用再覆）一直到現在幾個月，患處都冇大進展，唉⋯⋯



簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 可能人夾人緣自己衡量