-
高國進醫生回覆 - ChiTong 你好，
你呢個年紀患有冠心病導致心肌梗塞嘅機會好低， 心臟突然間跳一下或者痛一下通常都係早搏引起， 係因為身體嘅 刺激例如心理壓力或生理壓力， 輕微至傷風感冒，嚴重至心肌炎， 都可以令到心臟 突然之間亂跳幾下， 早搏本身並無大礙， 並不會導致 猝死｜心肌梗塞或心臟衰竭。主要治療方案都係治標唔治本， 避重就輕，保持心境平靜 減少咖啡奶茶 抽煙喝酒 。除非早搏密度佔正常心跳嘅10%以上，或全日跳多過一萬下早搏， 這樣才會考慮做消融術。
至於心肌炎通常 可以從驗血 照超聲波和做心電圖可以看出端倪， 如果從這些初步檢查 有懷疑 心肌炎的話， 才會考慮進一步做磁力共振 和其他入侵性較大的檢查。
高國進醫生
醫務信箱
- 發出提問: