專科分類目錄

醫務信箱

會員# Hy
懷疑自己有驚恐症
病患者男 - 29歲

有幾日我心口痛，咁我有買保險，本身約左20/3去檢查心口的，然後我媽叫我去醫院睇下，唔想等咁耐，落樓行兩步，就開始，暈，暈果種感覺係心口好大壓迫感，好似就黎暈低，感覺就好想掙扎，好想走，離開呢個地方，去到醫院血壓同心跳都高同快，上壓17幾，心跳13幾，但照過心臟結構，照過心電圖，抽過血，全部一切正常，佢叫我出院，到第二日，又係咁樣，我又再度入醫院又係一切正常，然後我轉去私家醫院，再驗同一樣既野，又係正常，我上網睇過我既症狀，同驚恐突襲好似，一開始就係呼吸困難，然後個頭就開始痺，然後到心口好大壓迫感，就覺得自己就黎死同就黎暈低咁樣，之後有兩日訓醒果下個人好驚，但唔知驚咩，成日都好想有人陪，驚自己有咩事冇人救，同埋係屋企冇野，一知出街就心跳好快，一落到街就好似好暈咁，即刻想返屋企咁樣

張正平醫生回覆
感謝你的查詢。根據你的形容，你的情況與驚恐突襲 (Panic attack) 吻合。一般來說驚恐突襲後，驚慌的感覺不會完全消失。有些個案會出現"預計性焦慮"(Anticipatory Anxiety)，即持續地擔心會有下一次的驚恐突襲。這些預計性焦慮會增加患者的心理壓力，構成一個惡性循環，更易誘發驚恐突襲。有些重複發作的個案，甚至會因此害怕出門，害怕在特定的環境出現驚恐突襲，醫學上稱之為廣場恐懼症 (Agoraphobia)。
從你的形容，驚恐突襲已經對你的生活構成不少的影響，建議你及早求醫，並安排合適的治療。及早的介入，有利於減少驚恐發作的嚴重程度及次數，亦有助於控制預計性焦慮。
希望以上的資訊可以幫助你更了解驚恐突襲或驚恐症的情況，祝你早日康復。