專科分類目錄

醫務信箱

會員#28050 WY
我地都有病？
病患者女 - 42歲

我同女朋友2012年一齊。
13年發現原來佢破緊產，佢同前度因買樓，欠銀行貸款還唔到，於是申請破產。我知道後都體諒佢，同佢一齊慳啲洗，或者我出大份啲嘅錢一齊去拍拖，大家無風無浪咁過左兩年。

15年，我意外發現佢大膽地將我嘅文件改成佢老家地址同電話，用我名義向銀行借左5萬。我質問佢點解要咁做，佢先話係因為佢媽夜晚會唔出聲坐響廳，又懷疑佢老豆出面有女人，佢媽抵押左層樓，佢媽無錢周轉，想佢拎晒啲保險金出黎俾佢，唔係會無屋住。但由於佢破產屋企人唔知情，保險金一早無晒，佢無辦法之下先用咁嘅方法去借錢。溝通過後，我原諒左佢，亦有同佢講，兩個人一齊要互相挫持同溝通，有咩唔掂大家拎出黎傾，諗方法一齊去解決。
16年，佢解除破產令。大家手頭都鬆動少少，開始會儲錢去旅行，亦準備搬出黎一齊住。

17年，大家搬出黎住。我搵錢比佢多，我就負責交租金，其餘屋企洗費就佢俾。

到18年，我發現我平時儲開嘅$10，$50紙幣唔見晒！當時儲左大約有兩萬。我又搵到六間財務公司嘅信件，發現佢借大耳窿⋯
當晚我問佢點解要攞晒我儲果啲$10，$50？佢話佢無錢，由搬出黎已經無錢。借財仔都係因為無錢，佢賬面借左26萬，實際要還大約35萬。鬧完一輪，我說服左自己好耐，我俾多次機會佢去改，俾時間佢去修補大家嘅關係。我珍惜大家一齊唔短嘅時間，而我地嘅關係唔止值兩萬。佢都守承諾，自己慢慢還晒啲錢。

到20年，佢俾公司炒左，我叫佢全職讀書，攞番個degree返黎會易啲搵份好工。屋企所有洗費我負擔晒。我每個月都清袋，無得儲錢，但總算養得起自己，佢，同5隻貓。我每個月都有俾佢生活費，後數。我自己都想儲錢，見佢食得好啲買啲無謂野，我就會成日同佢講我無錢啦，又清袋，要慳啲洗喇，第日幫忙養家。
22年，佢終於讀完書，亦好好彩好快搵到工，點知又俾我發現佢再一次偷左我啲$10，$50，大約一萬。我問佢，佢直認不諱，話因為爭最後一期學費交唔到，學資處未批俾佢，學校通知一定要交，佢無辦法，又唔敢開口同我講，話我成日同佢講無錢，佢唔敢再加重我負擔，於是用左呢個方法去解決問題。原來佢自己儲左3萬，爭13000左右就夠交。我質問佢時，佢不斷話自己都唔想咁。

我好心痛，好失望。唔明點解佢一次又一次咁偷我錢。其實佢係咪有病？慣性偷我啲錢⋯同信任⋯
我地仍然一齊住，佢無錢搬走，但我地已經無再交談，無眼神接觸。我見到佢，脾氣都開始差，瞓瞓下會紥醒，腦入面有好多個疑問解釋唔到，我係咪都有病？

梁婉珊醫生回覆
你好，謝謝你的查詢。

了解到你正在為你和女朋友之間的財務安排而感到苦惱，字裡行間能夠感受到你一直為生活盡了最大努力，辛苦你了。

你的內容裡面提及到，你們最後都有能夠就著事情展開對話，事情發生後，你仍能夠嘗試與女朋友溝通，其實是一個正面的做法，相當值得鼓勵。至於女朋友為何會出現類似行為，背後可以由很多不同因素組成，可能是某些觀念、價值觀突然改變，或者這是她從小到大的生活方式…等等，確實原因需要配合臨床心理學家等等的專家詳細評估。假若她透露這個行為的背後原因是可能遇到了比較緊急的情況需要用錢，又怕你罵她，那麼可以嘗試向她表明態度：什麼事情都應該和你商量，一起找解決問題的方法，而不是她一個人胡亂做決定，而是你願意陪伴她去解決的。向對方表達，這個行為非常影響兩人之間的安定團結，同時也會造成誤會。強調溝通和信任的重要性，兩人關係上互相的信任度，契合度也會升上一個臺階。

然而更重要的是，我們需要向他人表達「什麼可以，什麼不可以」。心理學上有一個名詞「心理界限」（Boundary），意指是每個人在心理上能夠接受的極限，超過某個特定的範圍，就會有一種被勉強、逼迫的感覺。心理界限是一道無形的分界線，如果不明確說出自己的界限，反而會讓關係造成負面影響。你可以向女朋友清楚地表達，因為對她不計較，你希望盡最大力度去幫助她，是因為你想支持她，並不能代表她能理所當然再去做你不喜歡、介意的事。一個平衡健全的生活，明確的界限是最重要的。一旦關係失去平衡，讓我們一直處於討好別人，自己卻一直在不喜歡的狀況裡，反而讓我們失去自我的價值感，活得很累。

總括來說，人與人之間需要相互信任、坦誠與溝通。人生漫漫長路，與伴侶共同攜手而行不容易，希望你們都能夠順利解決現時的情況。如果懷疑自己出現情緒問題，不妨向專業人士求助，通過多方面合適的治療方案，情況能夠漸漸得到解決的，加油。

祝生活安康
梁醫生

醫務信箱
發出提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見