專科分類目錄

醫務信箱

會員#27702 ken wong
不知是否焦慮症，呼吸不順，胸部緊迫
病患者男 - 43歲

本人曾經試過兩次突發性透唔到氣咁，係突然發生，手腳發麻，要冷静個人調整一下先冇事，之後一段時間冇發生，但之前夜晚訓教試透唔到氣扎醒驚醒，但上星期一 16/5 訓落床，合埋眼後慢慢覺得呼吸好短促，想深呼吸都唔係幾得，要企起身冷静下，再坐住訓，但個呼吸已唔順，隔左日頂唔順去左急症室，留院一晚觀察心電圖，照胸部xray, 心臟超聲波，心跳血壓血氧及各樣驗血指數正常，心臟科醫生只叫我下個月門診覆診，但而家每日仍覺胸部好緊，氣喘，呼吸短，易攰，醫院醫生話我可能係胃酸倒流引起呼吸唔順，開左ppi 同Lorans 1mg 俾我，本身呢兩年係家庭管教仔女有好多壓力，好驚太太鬧，好驚阿仔入唔到好學校，好驚家庭經濟唔好，成日凝住自己有病不停上網search資料，好驚自己有絕症，有時好煩，躁疫情期間成日自我檢測驚中招，我唔知自己係米精神問題影響呼吸唔順，呢幾日一入浴室沖涼，搭升降機，同埋入戲院睇戲，尤其入戲院熄燈果一刻個人唔知點，都會呼吸唔順胸部壓迫，要慢慢調整呼吸先好D，我唔知自己夠竟係生理定心理出問題

林樹強醫生回覆
你很多唔舒服都是焦慮症的病徵。情緒和心理都會影響生理。如突然間發作或在某些環境容易快速出現的嚴重焦慮就是驚恐症的病徵。你應該去看臨床心理學家或精神科醫生。

林醫生上

簡重盛醫生回覆
關於你所形容的2次突發性身體不適，應該是驚恐突襲(panic attack)，但是急症科醫生有必要排除心臟方面的問題。所以你應該是患上焦慮症或驚恐症，請在覆診期間要求轉介精神科或心理科服務，又或到私家精神科專科醫生/臨床心理學家接受治療。

祝安康!
簡重盛醫生