專科分類目錄

醫務信箱

會員#24765 pww
老人病? 精神病?
病患者女 - 76歲

你好。歐陽醫生。

我媽媽76歲，最近兩個月，覺得記憶力差左，唔記得野，初時我以為老人家年紀大，退化，無特別為意。

直到2月26日，她確診新冠肺炎，幸好無大病徵，只是喉嚨痛，咳，見倦，3月6日，一星期轉陰。。。但是由3月6日直至今日，情況好似比確診時更差，成日話好倦，成日瞓，話暈，唔願意旭動，平時佢有食開骨科止痛藥、肝藥，都拒絕進食，常埋怨，食又係咁，唔食又係咁，不如唔食，唔洗咁辛苦。

我話帶佢睇中醫，調理身體，佢拒絕睇，話又食藥，想食死佢~~

而且她情緒不是太對，成日話倦，無精神外，叫佢去公園行下，都唔願意去，同佢講電話，都唔願多講(平時佢是好鍾意出街，鍾意講野既人) 成個人變左。突然無左記性，平時洗面，入到廁所都唔記得點洗面; 去完廁所，唔記得著褲; 晚上問佢下午食左咩，都講唔出，諗野好灰，仲話要跳樓死，佢患左老年憂鬱症? 老人癡呆? 因為病毒令到佢變成咁? 我應該帶佢睇精神科還是老人科醫生? 請指教。 thanks。

歐陽國樑醫生回覆
Pww 你好，

你媽媽確是有可能有你說那三個不同成因，

1. 腦退化，而近來再變差，因腦退化而產生抑鬱症狀，這個原因最小機會完全回復正常，只能用藥物控制症狀，長遠會繼續變差。
2. 抑鬱症，可因壓力而引發，這種是能治療並康復。
3. 因新冠或其他身體健康原因而影響腦部所產生的抑鬱及認知變差，這個便需要做一個詳細檢測，去找出一些可治療或需治療問題。

而1，2，3是可以同時出現的，媽媽的情況看似不理想，所以應該是老人科及精神科同時處理身及心問題最為安全有效。

歐陽國樑醫生

醫務信箱
發出提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見