專科分類目錄

醫務信箱

會員#23342 MAN Ho Wa
關節炎
病患者男 - 25歲

朝上23/03/2020起身，右腳舟骨既跟腱突然覺得好緊，前兩日冇做過運動(本身有做開gym同雙腳係扁平足加外8字腳)，入晚行入房準備訓個時突然腳舟骨既跟腱感到劇痛，第二日基本上前腳同後跟要好用力幫手輔助行路，到左26/03/2020凌晨痛到訓唔到，朝早已經行都行唔到，要坐輪椅去睇家庭醫生，睇醫生之前按個舟骨位基本上已經唔點痛反而係腳趾公關節劇痛，結果判斷係痛風，食左3日消炎止痛藥都好唔番，到左30/03/2020凌晨腳趾公又痛到醒左(舟骨位已經唔痛)，又去睇多次家庭醫生(行唔到)，結果判斷又係痛風，食左3日消炎止痛藥仍然好唔番，到左04/04/2020凌晨腳趾公劇痛到醒左，決定去仁安急症睇醫生，要驗血同照X光，初步判斷都係痛風，開左10日消炎止痛藥，08/04/2020去覆診睇報告(個時要好慢咁行過去，依然好痛)，X光顯示骨完好，驗升報告顯示白血球有少少高同尿酸係正常範圍內(偏高)，當時醫生話唔多似痛風推介左我去睇骨科，骨科話骨骼正常，話驗血報告唔係最準去判斷係唔係痛風，唔能夠準確下判斷，最後開左3日類固醇加7日消炎止痛藥，17/04/2020去骨科覆診，循例睇睇，個時都叫行到路不過要好慢，醫生話要準備知係唔係痛風要抽發炎組織部分去驗，要我休息一個月時間唔好做太劇烈既運動同控制飲食，基本上都大程度好似係痛風。

上網檢查就話痛風多數痛1-2星期就唔點痛，但我3個星期先至行到路同1個月先至恢復到9成左右，到而家仍然有D緊同按落去有輕微既痛，雖然尿酸偏高但仍係正常範圍值內，會唔會唔係痛風?而係本身係扁平足加外8字腳，令跟腱長期拉緊到左而家就頂唔住而崩潰導致今次既腳痛?想問問做D咩檢查可以比較準知道係唔係痛風?驚影響將來既運動。

陳禮樂醫生回覆
多謝讀者你的來信。

從讀者信中所述的種種跡象，相信仍而患上高尿酸度的痛風症為最大可能性，但不可百分百排除患上其他疾病，例如：足底筋膜炎而引申的併發症，如要作出詳細的診斷及檢查。請尋找相熟的骨科專科醫生作跟進治療。

錢炳航醫生回覆
謝謝來信，而且是我讀過最詳盡的，我希望給我問題都如此，讓我有足夠資料作答。
你雖說尿酸測試偏高卻在正常範圍内，這是痛風病者常見的，所以此診斷不能排除。痛風的治療除了吃藥外，有時是需要局部注射消炎藥的，因為痛風發作源於沉澱於局部組織的尿酸結晶受激活，所引起的強烈發炎不一定能用口服藥物控制。
腳痛的診斷不定是單一的，有時可同時有超過一個的病源，所以應讓骨科專科醫生再作詳細檢查，對症下藥，不會治不好的，請放心。

醫務信箱
發出提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見