專科分類目錄

醫務信箱

會員#20290 Steve
腮腺瘤手術導致面癱
病患者女 - 58歲

我媽媽2星期前在公立醫院做左個腮腺瘤切除手術，手術不太成功，半邊面部癱了，1個星期後再做神經測試都係冇反應，醫生話可能係拉傷左神經，但佢確認神經係冇折斷，有冇人知道可以點算？

醫生話其實好小機會一個星期後一D好轉都冇，照咁睇有機會係永久面癱，想拎多D醫生既意見，謝謝。

李泓暉醫生回覆
解剖學上，腮腺和面部神經密不可分。因此腮腺切除術時，醫生通常都會用神經線監測器輔助，確保面部神經不會被切斷。不過腮腺切除術後，面癱仍然是頗常見的併發症，因為面部神經也有可能在手術時被拉傷或被手術電刀電傷。只要神經不是被切斷的話，面癱的情況通常都可以慢慢復原，不過通常都要兩至三個月的時間，所以你現在不用太擔心。如果幾個月後面癱的情況都沒有改善的話，也有些補救手術可以做（面部神經麻痺重建手術），到時可以轉介到整形外科專科看看。