-
梁景燊醫生(男)
Dr. LEUNG King Sun Vincent
腸胃肝臟科 - 值得推介 : 1
- 香港九龍窩打老道 222 號D座低層地下一樓
- Tel: 2339 8064
- 收費:
- 專業資格:
澳洲雪梨大學內外全科醫學士
英國皇家內科醫學院院士
英國倫敦皇家內科醫學院榮授院士
英國愛丁堡皇家內科醫學院榮授院士
英國格拉斯哥皇家醫學院內科榮授院士
香港內科醫學院院士
香港醫學專科學院院士(內科) - 診症時間:
星期一 ︰ 1000-1300; 1500-1800
星期二 ︰ 1000-1300; 1500-1800
星期三 ︰ 1000-1300; 1500-1800
星期四 ︰ 1000-1300; 1500-1800
星期五 ︰ 1000-1300; 1500-1800
星期六 ︰ 1000-1300
星期日 ︰ off
P.H : off - 服務範圍:
- 診所以外提供的服務:
- 使用醫院或其他服務診所:
- 其他資料:
浸信會東九龍醫療中心
九龍觀塘欣業街8號浸信會東九龍醫療中心25/F
Tel:2339 8183
梁景燊醫生(男)- 尋醫報告
kmc
#33688- 11/18/2021 11:22:47 PM
- *** 不予置評 ***
- 診症日期:2021年 11月4日
- 求診目的: 腸胃不適 肚痛
- 診金收費: 10000
- 輪侯時間: 需預約準時
- 光顧經驗: 其他網絡途徑
- 專業態度:1 對症下藥:1 診金合理:1
- 經歷詳述:
因肚痛超過一個月,經私家醫生轉介去浸會醫院,再由門診介紹先睇内分泌科睇甲亢,答覆非因甲亢而肚痛,再見梁醫生找原因,佢話耍照胃镜先可以check清楚原因,於是花費一萬五仟元去照胃鏡,做完佢話我個胃無事,
可能係甲亢間題而肚痛,叫我食住甲亢藥睇下點先,從頭到尾無醫過,我話個肚仍然痛,佢就叫我做掃瞄,我反對,佢就走左去.毫無醫德!上網睇過甲亢係晤會肚痛,只會肚瀉,證明佢呃人
簡評:
個人觀感- 態度有失、醫德有損
經歷過程- 只知取藥付費，未能盡釋疑慮
推介意見- 本人絕對不會再作光顧 - 黃先生
#31040 - 8/10/2020 7:23:30 PM
- *** 不予置評 ***
- 診症日期:2020年 7月9日
- 求診目的: 腸胃不適 胃酸倒流
- 診金收費: 600
- 輪侯時間: 需預約準時
- 光顧經驗: 本網評譽參考
- 專業態度:1 對症下藥:1 診金合理:9
- 經歷詳述:
我有胃酸倒流同鼻水倒流好多年了..呢兩個原因導致我喉嚨吾舒服同埋喉嚨有異物的感覺.. 前者在耳鼻喉科己得到confirm, 後者, 我上吾同的醫訊網亦搵搵到原因. 因為我一直都睇開浸會, 亦都想去問一問浸會的腸胃科醫生可以點解決.
但, 我無諗過的是, 浸會呢一個梁醫生, 見面第一問我為咩事來睇醫生. 我答佢, 我好可能係因為胃酸倒流引致喉嚨好似有一D野長期頂住..
呢位梁醫生問我:你有無火燒心的感覺。我答我吾肯定火燒心的感覺係點， 所以吾知。
梁醫生再問我， 訓教時有無覺得胃酸好多， 又或者因此而訓得吾好。 我話我又吾係好覺。
跟住呢位梁醫生就話：你根本就吾係有胃酸倒流， 你都無相關症狀。胃酸倒流先去食道，再上喉嚨。 次序上一定係咁的。 佢的語氣一直都吾友善而且無禮貌， 去到呢一刻， 我覺佢的態度係非常差, 非常無耐性。
我問呢位梁醫生， 我上網睇胃酸倒流的症狀可以有好多， 吾一定係每個人都一樣。
佢無俾我講完， 佢就叫我吾好上網睇， 上網好多野都係錯的。 我心想但無時間反問佢：難道你地浸會耳鼻喉科講的都係錯的嗎?
我問佢, 我有時食一些難消化的食物會有好多胃氣. 佢話, 飲水食飯太快太慢都會有胃氣. 每個人食同一樣食物都會有吾同的反應.
我問佢, 我喉嚨有一D異物頂住的感覺, 咁又係咩原因? 佢話, 可能係你壓力太大, 需要的話可以食一些神經科的藥物去幫你放鬆壓力.
如果吾需要的話, 你可以走的了. 整個過程, 吾好話檢查, 我連口罩都無除過.
其實, 呢次睇醫生給我的感受真係非常差, 他無耐性, 無醫德. 之後我亦都向浸會相關部門反映了個情況. 作為一個病人, 在醫生的專業知識眼中, 可能好無知, 但亦好無助. 來搵醫生求助, 係希望得到支援與解釋. 他好似在笑我好無知. 但我差極都係一個大學畢業的八十後, 我用自己的能力己在網上搵到原因, 我一來想reconfirm, 二來希望睇下可以醫治. 無想過結果係咁樣, 以下係我其實上網搵到的一些資訊, 同呢個梁醫生講的完全吾同. 大家可以參考一下.
https://health.businessweekly.com.tw/AArticle.aspx?id=ARTL000054974
https://www.youtube.com/watch?v=qEdWD1SGjSI&t=3s
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧 - Lily
#30420 - 4/8/2020 12:24:07 PM
- *** 值得推介 ***
- 診症日期:2020年 ----
- 求診目的: 腸胃不適 肝血管
- 診金收費: -
- 輪侯時間: 需預約準時
- 光顧經驗: 本網評譽參考
- 專業態度:10 對症下藥:10 診金合理:10
- 經歷詳述:
非常有經驗之醫生！富優默感！不拖証！不會要你做額外檢查！
簡評:
個人觀感- 醫術精湛、鉅細無遺
經歷過程- 求診病人實在太多，等候需時
推介意見- 已視為本人的必然選擇 - 陳先生
#26368 - 7/19/2018 10:40:39 PM
- *** 不予置評 ***
- 診症日期:2018年 7月19日
- 求診目的: 腸胃不適 胃部及膽不適
- 診金收費: 600
- 輪侯時間: 需預約準時
- 光顧經驗: 初次光顧
- 專業態度:2 對症下藥:1 診金合理:1
- 經歷詳述:
我媽媽年約60歲，本身胃部長期不適，需要定時到公立醫院覆診，亦有食胃藥，早前公立醫院醫生發現有膽石，話可以排期割膽，所以我想睇下私家醫生，攞個2nd opinion，睇下關唔關胃或其他內臟事，如果無迫切性，我都唔想開刀。咁我係朋友介紹下，聽講梁景燊醫生好有醫德，我再google下梁景燊醫生資料，發現佢係聯合醫院出黎做，報導又話係「腸胃科巨頭」，網上又無負評，我諗住應該揾到個好醫生，可以俾到一個專業既建議，點知係一個惡夢！
當日提早去到醫院登記及同意俾佢睇醫健通，諗住佢睇左我媽媽過往既病歷，可以幫助了解病情，作出一個更好既診斷，但之後發生既完全唔係咁‥‥‥
我同媽媽坐底左，就講返媽媽既病情，擔心會唔會係胃同膽一齊有事，梁景燊醫生全程係態度惡劣，輕蔑我地既無一個提問，我每問一句，佢答「唔係/唔關事/唔會」，每一個回答中眼神都係不滿同脾氣，好似同我媽媽講「係咁架！」佢全部否定我地每一個提問，只係話我媽媽精神緊張，退休後無野做無野focus更加會覺得唔舒服同更有壓力，一直都只係話「精神緊張/壓力導致痛症」，話完全唔關個胃或者個膽事，明明公立醫院都診斷我媽媽個膽有事，要割，話割膽後食野可能會容易肚瀉，加上我媽媽腸胃本身唔好，梁景燊醫生就好決斷咁講「唔會！唔關事！」咁我問需唔需要割膽，梁景燊醫生只係好處之泰然咁講「你地自己決定割唔割喇，有需要就照張CT，$7000左右，翌日就有結果。」梁景燊醫生手執我媽媽既病歷，完全無分析割同唔割既情況及日後會面對既問題及需要注意既地方，最後梁景燊醫生出左張單叫我地上去俾錢，同攞黎claim保險，另一張應診紀錄診斷一項只有兩隻字「epigastric discomfort」，睇左同無睇一樣。
我媽媽好失望無助，我好憤怒，我無買保險，唔需要一張紙去叫我「claim保險」，但我願意俾錢醫好我媽媽！我同其他病人家屬一樣，需要一個有醫聽、有專業知識會分析病因、會耐心聽取病人提問及回答、有禮貌既醫生，而唔係好似梁景燊咁樣既醫生。我唔想害人，所以強烈不推薦任何人去睇佢。我亦會考慮到醫務委員會作出投訴。
題外話(我個人對佢行為觀感)：佢著得真係官仔骨骨，但係坐就無腰骨，講野勁寸，睇人黎恰，完全睇唔到佢有幾professional，點解係聯合醫院走出黎做，大家自己諗諗喇。
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧
kmc