-
麥應良醫生(男)
Dr. MAK Ying Leung Elvis
急症科 - 值得推介 : 1
- 香港九龍窩打老道 222 號浸會醫院
- Tel: 2339 8888
- 收費:
- 專業資格:
香港中文大學內外全科醫學士
英國愛丁堡皇家外科醫學院院員
香港急症科醫學院院士
香港醫學專科學院院士(急症科) - 診症時間:
- 服務範圍:
- 診所以外提供的服務:
- 使用醫院或其他服務診所:
- 其他資料:
麥應良醫生(男)- 尋醫報告
Nchan
#40287- 3/2/2025 3:21:41 PM
- *** 不予置評 ***
- 診症日期:2025年 3月2日
- 求診目的: -- 過敏 喉嚨腫 吞唔到口水
- 診金收費: 1000
- 輪侯時間: 不設預約等候片刻
- 光顧經驗: 隨機方便嘗試
- 專業態度:1 對症下藥:1 診金合理:1
- 經歷詳述:
凌晨三點敏感 去咗浸會急症室 諗住打支抗敏針
（之前已經有多次經驗都係打完支針就好）
都有試過嚴重起上嚟要住院
去到急症室見到呢個醫生已經有少少心知不妙
因為上次去浸會見呢個醫生入咗院
嗰次係喉嚨腫晒 唞唔到氣
留院留咗三日 最後出院嗰日已經燒晒腫冇事
佢就同我條脷仲有少少腫 最好留院多一兩日
（明明係急症室嘅時候佢都有睇 佢都係話我係條頸腫，
好彩條脷冇腫由頭到尾條脷都冇腫過）
唔知佢係記錯定係咩🙄
上次堅持出院 話如果有咩事就再返去複診
（本人已經有多次敏感經驗 大概都知自己情況）
講返今次 一去到佢就問我，今次又做咩事敏感
我都同咗佢講 其實上次做晒所有檢查都係搵唔到原因
佢檢查完之後就話條頸同埋個嘴都有腫
就要幫我call白車去政府醫院
（當下我已經黑人問號？我黎得私家就係唔想去政府）
咁我就話我直接喺呢到留院
姑娘就同我講我呢個情況呢到留唔到院㗎
我同佢講上次都係呢個情況入到
佢就話你呢個情況，有機會要插喉
插喉一日都要三四萬 我同佢講我有保險
佢話冇用架， cover唔到㗎
（其實你理得我夠唔夠cover我比到錢咪得）
我估係冇床位 所以入唔到
咁我就話咁我打完針 坐係出面觀察下
（之前都有試過打完針係出面觀察）
最後佢打完針 話一定要call白車留院觀察
打完針 白車好快黎到，去到廣華醫院推咗我去觀察區
觀察咗幾個鐘 淨係量下血壓 心跳，其他咩檢查都冇做
瞓咗3 4個鐘 醫生過黎過退得7788咁出院啦。
唔明點解我要轉院 明明都係睇兩下 就出院
仲要浸會張單收多咗一筆555治療費
我睇咁多次 都冇見過有呢個費用
極度懷疑係幫我call白車嘅費用
去到政府都係要再比錢 咁一早call白車好過啦
諗住私家快 比多啲都冇所謂
但最後錢又比多 時間又冇少到 成5個鐘先走得
真係大家見到呢個醫生嘅話就唔好睇啦！
喺浸會嗰到都已經冇幫我做任何檢查 淨係聽吓診
之後打針 就掉咗我去政府醫院。
簡評:
個人觀感- 診效不顯、收費不稱
經歷過程- 診証時間極其急趕，快來快去
推介意見- 本人絕對不會再作光顧 
mag
#39136- 7/1/2024 12:33:09 PM
- *** 不予置評 ***
- 診症日期:2024年 7月1日
- 求診目的: -- 喉嚨劇痛
- 診金收費: 1000
- 輪侯時間: 需預約準時
- 光顧經驗: 隨機方便嘗試
- 專業態度:1 對症下藥:1 診金合理:1
- 經歷詳述:
喉嚨劇痛，又不斷咳嗽
半夜四時，去了浸會醫院排急症
到達後，沒有人等候，我就立即能看
醫生問我情況，因喉嚨太痛，
叫老公輔助我
醫生立即說：你要自己講！
…………………………
之後醫生看了一看我喉嚨，就說有白點，有感染
要先做Covid.甲流.乙流檢查
我就，沒有問題，就出了外面做了快測---negative
之後門外等了一個小時
護士說：要唔要打止痛針？
我說：要
再等了十分鐘，入了房，打針
打完針，護士就直接拿了診斷（咽喉炎），付款單，及藥單
我立即呆了機
你一開始判斷可能covid.甲流.乙流，叫我做檢查
當我不是
就完全無再會面下，由護士話比我知咽喉炎，直接要求我攞藥走，吓？！
最基本解釋清楚病情，都係你責任
好似玩緊盲古遊戲咁....
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧 - 張小姐
#38457 - 2/20/2024 10:27:19 PM
- *** 不予置評 ***
- 診症日期:2024年 2月20日
- 求診目的: 傷風感冒
- 診金收費: 800
- 輪侯時間: 需預約等候頗長
- 光顧經驗: 隨機方便嘗試
- 專業態度:1 對症下藥:1 診金合理:1
- 經歷詳述:
麥應良=無良
垃圾醫生，極無禮貌。
痴線問我知唔知自己最高體溫幾多度，我係咪每分每秒拎住個溫度計度自己體溫。
我下次見到呢個名肯定唔會幫襯，非常無耐心，唔細心。第一次見佢就好似大家殺左佢老豆老母咁🤷♀️
係我睇過咁多個醫生裡面最差果個（沒有之一）
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧 - Ivy
#37122 - 6/12/2023 4:17:26 AM
- *** 不予置評 ***
- 診症日期:2023年 6月11日
- 求診目的: 傷風感冒 感到不適
- 診金收費: 800
- 輪侯時間: 不設預約等候1小時
- 光顧經驗: 隨機方便嘗試
- 專業態度:1 對症下藥:1 診金合理:3
- 經歷詳述:
本人總有兩次睇麥醫生經驗，第一次已覺得佢唔多願意溝通，態度亦麻麻。第二次睇佢，問咗佢一啲關於食藥嘅問題，佢就好唔耐煩，甚至覺得佢有啲惡，搞到我唔敢再問，驚比佢閙，感覺佢嘅醫德同其他浸會護士、工作人員相比簡直有強烈對比，政府醫院嘅醫生可能中比佢態度好得多。睇完佢個心都唔舒服，好似自己做錯嘢比人閙咁。下次要避開呢個醫生唔好睇。感覺佢無耐性同病人溝通，同你講嘢都唔會望住你，咁點解要做呢個職業呢？純粹為咗高人工？不過睇完其他人對佢嘅評價，知道原來好多人都比佢差評，更加證明自己冧得無錯。
簡評:
個人觀感- 態度有失、醫德有損
經歷過程- 診証時間極其急趕，快來快去
推介意見- 本人絕對不會再作光顧 - June
#35661 - 10/7/2022 11:07:00 PM
- *** 不予置評 ***
- 診症日期:2022年 10月3日
- 求診目的: 耳鼻喉疾病 耳內有異物
- 診金收費: -
- 輪侯時間: 需預約等候頗長
- 光顧經驗: 本網評譽參考
- 專業態度:1 對症下藥:1 診金合理:1
- 經歷詳述:
10月3號早上發現耳托入耳近鼓膜位置，當晚就即刻去浸會睇門診急症，啱好當晚就遇着呢位急症當值麥醫生。
登記嗰陣姑娘都有講可能需要refer睇專科醫生，因為未必儀器足夠，咁都照比急症醫生睇下處唔處理到。
點知入到去麥醫生話可以，我當下就諗可能佢好有經驗。
到正式入到去，佢叫我坐係度，但正常我耳仔應該係要瞓低，直到姑娘提佢我應該要瞓係度。
然後，佢用個勁粗嘅耳夾幫我拎，係無耳鏡，無針夾嘅狀況下！
最後佢不單止拎唔到，仲整穿左我鼓膜！依家我都仲未好到每日都耳鳴。
真係唔想做醫生唔好害人啦！
簡評:
個人觀感- 態度有失、醫德有損
經歷過程- 診証時間極其急趕，快來快去
推介意見- 已視為本人的必然選擇
Nchan
mag