-
林美玲醫生(女)
Dr. Lam, May Mei Ling
精神科 - 值得推介 : 5
- 中環都爹利街6號印刷行402室
- Tel: 21518009
- 收費:不設普通科
- 專業資格:
澳洲新南威爾斯大學內外全科醫學士 1995
英國皇家精神科醫學院院士 2000
香港精神科醫學院院士 2004
香港醫學專科學院院士(精神科) 2004 - 診症時間:
Monday - Saturday (By appointment) - 服務範圍:
- 診所以外提供的服務:
- 使用醫院或其他服務診所:
- 其他資料:
林美玲醫生(女)- 尋醫報告
Mr Wan
#41664- 2/25/2026 12:48:46 AM
- *** 不予置評 ***
- 診症日期:2025年 1月1日
- 求診目的: 專科治療 情緒問題
- 診金收費: 3000
- 輪侯時間: 需預約等候頗長
- 光顧經驗: 隨機方便嘗試
- 專業態度:1 對症下藥:1 診金合理:1
- 經歷詳述:
阿仔有情緒問題，希望藉著專業精神科醫生每次會面既診治及對症下藥，希望對小朋友情緒問題會有改善。經過多次覆診後，真心對林美玲醫生的感覺非常之差。以為頭幾次覆診偶爾發生，但當睇多幾次後真心覺得林美玲醫生非常不專業，亦都對我仔病情無任何幫助，甚至加劇嚴重左。反而停左藥、停左睇林美玲醫生後，阿仔情緒反而平復咗，有改善。
1）等候時間長，每次覆診要2-3小時不等，但診症只有10分鐘內，其實對於有情緒問題既小朋友，甚至直常人都會等到冇耐性
2）多次診症期間會睇電話覆message，試過一入房坐底等佢覆msg幾分鐘後先開始，亦試過診症中覆msg，其實都幾唔專業，甚至唔專重面前病人
3）每次覆診林美玲醫生都無先認真睇吓阿仔因咩事睇佢，好似每次都係第一次覆診咁，知道唔係第一次，佢先係咁咦睇下個file，其實有個寫晒野既file都好明顯唔係第一次，頭一兩次係咁，之後幾次都試過係咁
4）林美玲醫生語速偏快，我仔有情緒問題，諗野會比較慢，要諗多1-2秒先回應到，但好多時阿仔未答到已經問吓一條問題，好幾次當阿仔慢慢想講回應佢啲問題，佢又會打斷阿仔既說話，表現得好無耐性，攪到阿仔都唔敢回應，最後幾次我仔直情都主要噏頭/擰頭，yes/no就算，咁睇精神科醫生意義何在
5）跟住一定問啲藥食成點，瞓唔瞓到，情緒有冇好啲，呢幾條yes no questions就話約期下次見，間唔中幾次會調整下藥，阿仔都淨係開口講ok，前後都唔洗10分鐘就出返去
6）其中有兩次阿仔只係想嘗試表達食藥後有瞓唔到，頭痛等問題，可能林美玲醫生講野又急又好大反應咁話啲反應唔關隻藥事，阿仔都唔敢再多講野，林美玲醫生又講佢既情況要keep住1-2星期覆診，要長期食藥，其實每次都係問yes/no questions，又無講建議傾下平時可以點樣處理，淨係叫食藥，頭一兩次係咁都算，諗住可能真係睇吓啲藥食成點，但之後幾次都係咁，仲要每次覆診攞埋藥都收幾千，對阿仔有幫助都唔介意洗呢啲$，但真係覺得對阿仔0幫助就無再睇，仲差過睇藥劑師，所以決定放棄睇林美玲醫生。
但唔知點解，睇左林美玲醫生及開始食藥後，我仔情緒問題好似仲嚴重咗，仲瞓唔到及間唔中會頭痛。停咗睇林美玲醫生及停藥後，反而無呢啲情況發生。或者只可以話我仔同呢個醫生&啲藥唔夾。
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧 - Mandy Wong
#41137 - 10/2/2025 11:14:24 PM
- *** 值得推介 ***
- 診症日期:2025年 8月30日
- 求診目的: 兒童疾病
- 診金收費: 1500
- 輪侯時間: 需預約準時
- 光顧經驗: 朋友介紹推薦
- 專業態度:10 對症下藥:10 診金合理:10
- 經歷詳述:
我個仔有ADHD，經朋友介紹黎睇林醫生，睇症過程林醫生非常仔細幫我個仔做評估，見完食完藥之後連老師都投訴少左，非常多謝林醫生！
簡評:
個人觀感- 詳盡親切、耐心施診
經歷過程- 醫生會清晰明確的講解其病情
推介意見- 值得推薦好醫生 
Judy
#41133- 10/2/2025 1:21:22 PM
- *** 值得推介 ***
- 診症日期:2025年 9月24日
- 求診目的: 專科治療
- 診金收費: -
- 輪侯時間: 需預約準時
- 光顧經驗: 本網評譽參考
- 專業態度:10 對症下藥:10 診金合理:10
- 經歷詳述:
上個禮拜因為工作上壓力太大覺得自己嘅情緒越黎越低落 甚至出現傷害自己嘅行為出現，嗰日終於覺得自己要去睇醫生 所以我係即日預約，診所姑娘覺得我情況緊急所以儘量安排時間比醫生見我，到達診所嘅時候本來好緊張，因為我覺得睇呢一科嘅人都會比人歧視及難以啟齒,但診所姑娘幫我登記後，主動問我會唔會落樓下附近食少少嘢先再上黎，咁我就落左去食咗個lunch，差唔多食完嘅時候收到姑娘嘅電話，佢話可以差唔多上黎啦。一返黎診所嘅時候坐左冇幾耐就可以入去見醫生，Dr May真係唔錯ga，佢會願意聆聽病人嘅需要再細心分析開導病人，藥物方面都會採用對病人副作用最低嘅藥務求病人食藥後能繼續工作，姑娘都非常細心，體貼入微又快手快腳幫我配好藥物比我檢查，係姑娘令到我今次睇醫生非常順暢，感謝Dr May和診所姑娘！
簡評:
個人觀感- 醫術精湛、鉅細無遺
經歷過程- 求診病人實在太多，等候需時
推介意見- 已視為本人的必然選擇 - W
#41112 - 9/25/2025 8:32:07 PM
- *** 不予置評 ***
- 診症日期:2025年 9月22日
- 求診目的: 專科治療
- 診金收費: -
- 輪侯時間: 需預約等候頗長
- 光顧經驗: 本網評譽參考
- 專業態度:1 對症下藥:1 診金合理:1
- 經歷詳述:
正如其他病人說法
本人睇了4次
醫生都係遲應診
每次豈碼等1小時以上
診症時間不足 只有10分鐘
診症期間醫生不斷處理私人事情
診所醫生及護士未有回覆問題
由早上10時提問 直至收工7時
本人催促過10次 最終仍是醫生護士只顧收工沒有交代回覆
簡評:
個人觀感- 態度有失、醫德有損
經歷過程- 診証時間極其急趕，快來快去
推介意見- 本人絕對不會再作光顧 - 天下父母心
#41103 - 9/22/2025 7:45:40 PM
- *** 不予置評 ***
- 診症日期:2025年 1月18日
- 求診目的: 專科治療 失實症
- 診金收費: -
- 輪侯時間: 需預約準時
- 光顧經驗: 其他網絡途徑
- 專業態度:3 對症下藥:1 診金合理:1
- 經歷詳述:
約半年前, 20歲的女兒因考試壓力, 有點失實症症狀, 但食了一星期藥後, 已經無問題, 回復開心正常生活(其實不少人也曾有失實症, 有的過一段時間可不藥癒, 有的辛苦時要靠精神科藥物緩解, 但主要仍靠心理治療)
第一個星期, 林醫生已經向我們講, 食一世藥, 有乜問題, 我有個學生讀牛劍, 日日食,好似有近視帶左眼鏡, 一生“有perfect vision” 幾咁好
女兒亦上了兩堂鄧博士的課, 鄧博士都話你個女都無事, 主動話唔使上堂喇
林醫生仍然每星期覆診, 每次都是瞓得好唔好,女答瞓得好, 咁"有無古怪的想法" 女答"無" 林回覆"good", 林說:咁我下星期再見你喎”
表面診金是1400元, 連藥收4800元, (我下面會解釋診金絕對大於1400元)
重覆了四至五個星期, 我們大胆提問, 想女兒斷尾, 可否逐減藥....
林提聲回覆“未得架” ,問咁要睇多幾耐, 林說要再看兩三年
我們堅持慢慢減藥, 林氣沖沖: 無人咁快減藥, 你哋要減, 我同你減, 後果唯你是問”
以上或以下我若有半句失實, 祝我腸穿肚爛
之後女兒無再覆診,至今一點事都無
林醫生的做法有兩個問題
第一
大家都可能知道林醫生出單的診金是1400元, 但有一點可能大家不知, 林醫生的藥費是mark up左好多, 若計及加大了的藥費, 真實單是診金已是2800至3000元
這網不能上載圖片, 我本來想將樂善堂社區藥房的售價, 最近價目表已下架(醫生的來貨價相若甚至可更平)
Abilify 2mg 是24元一粒 5mg 是35元一粒
Zoloft 50mg 原廠應該是10多 20元一粒
Sertraline * (原廠：Zoloft 復蘇樂)
50mg副廠價錢：每排$28 (10粒)
解藥副廠, 是兩元一粒
其實是這是涉嫌違反虛假文書罪行, 請執法機構正視, 亦可看看有無有同謀
第二
林醫生, 主張她的病人可以/應該一生看醫生食藥, 這想法是否有問題, 大家可深思
林醫生, 請你知道天下父母心, 子女有病, 已經夠不安, 你為何會變成這樣, 你第一次診症,
的確算是準確診症, 那次你收診金4000元,OK,但之後五次覆診(若不是我們不看, 可能是數百次以上), 你說一分鐘無大意義的說話, 收2800元, 你仲係唔係人
無錯, 在那個情況, 子女在你手, 我們一定要比,無辦法, 這是現實
你其實搵幾多錢都無用, 經常找社福機構沽名釣譽是無用, 最終我們做的每一事, 都要向造物主交帳
對不起, 以上行文是不順, 我亦不想為林醫生花太多時間, 但作為社會一員, 我內心催促我要將林醫生的行為講給大家知, 請諒
簡評:
個人觀感- 態度有失、醫德有損
經歷過程- 只知取藥付費，未能盡釋疑慮
推介意見- 本人絕對不會再作光顧
Mr Wan
Judy