-
廖國忠醫生(男)
Dr. Liu Kwok Chung
耳鼻喉科 - 值得推介 : 1
- 中環太子大廈508室
- Tel: 2522-8989
- 收費:
- 專業資格:
MB ChB(Birm)
DLO(Lond)
FCS(HK)
FHKCORL
FRCS (Edin)
FHKAM(ORL) - 診症時間:
敬請預約 - 服務範圍:
- 診所以外提供的服務:
- 使用醫院或其他服務診所:
- 其他資料:
廖國忠醫生(男)- 尋醫報告
Ting
#39400- 8/21/2024 7:16:56 PM
- *** 不予置評 ***
- 診症日期:2024年 ----
- 求診目的: 耳鼻喉疾病
- 診金收費: 3000
- 輪侯時間: 需預約等候片刻
- 光顧經驗: 隨機方便嘗試
- 專業態度:1 對症下藥:1 診金合理:1
- 經歷詳述:
同各位一樣，上黎先見到中哂大伏。都係第一次網上寫負評。
因為我睇開果個要聽晚先有位，而呢間姑娘直情問我係唔係附近，可以即時睇，我因為見唔太舒服貪快所以先去睇，點知出事。
睇完醒起，佢差得黎，仲要book到即時，咁一定係網上有啲差評令到冇咩人黎，係估唔到上到黎個個評分都係最低。我都未試過睇醫生睇到咁委屈同氣憤。
一入去都係半句都冇問，就叫我直接坐去洗耳，咁我知我需要洗，但都想講下情況問下了解多啲，因為睇開果啲都會，但佢唔會。
洗嘅時候問佢痛係咪正常，佢話你呢啲唔係痛，係sensitive，咁我真係痛，唔通咁大個人唔知咩係痛。佢仲話你痛就唔會笑(住講)，我只係禮貌啲姐，唔通我西你面講咩，真係好似我呃佢咁，病人描述情況佢都可以唔信唔聽 我覺得已經冇資格做醫生 (做睇相或者可以)。都唔緊要，刺痛一下由佢，咁佢唔講有問題我咪當係正常先囉 (因為我洗開果個都唔會咁痛)，咁洗埋另一邊。
咁但係呢次我已經又痛到面口乸埋一舊 又痛到叫咁，佢仲同我不斷不斷講好幾次呢啲唔係痛，係sensitive，令人極之反感。無意義嘅串咀同埋唔聽唔信病人嘅反應，我諗穿左耳膜佢都唔會理我同信我。
姑娘仲同我講唔好郁一陣醫生睇唔到又或者整親我，但痛到郁我控制唔到，好似痛唔痛係我揀出黎咁，同埋咩咩咩sensitive，都係懷疑係個醫生慣性有事冇事乜都秒速卸膊賴病人咁樣樣嘅服務態度。(我睇開果個係會痛之前同你單聲比心理準備，唔係話咩呢啲唔係痛果啲唔係痛。同埋都唔會咁痛真係洗左好多次都未試過。)
串都算，諗住呢到consultation都成$1500，我本身都有野想問，洗完咪問埋。都有諗過收咁貴會唔會答好少少 起碼要正常，但係係相反。 我問佢我游水耳垢遇水就漲大塞耳，有冇咩避免方法。 佢答我問題係你有耳垢，唔係游水。(我知，咁但咁耳垢就係人都有，我係問有冇咩避免方法。佢解答唔到。) 然後佢9唔答8純粹認同話係呀耳垢正常係有 冇先唔正常。咁我再問番清楚啲，佢都係類似咁樣重重覆覆意義不明嘅對話，話有耳垢就搵醫生清、問題係耳垢、你依加咪已經冇耳垢，即係係呀 問題係人天生有耳垢，所以定期比錢你賺就係解決個根本問題嘅方法? (如果係冇避免方法，不如你直接話冇 唔洗辛苦大家，係到淨係話病人咁。姑娘都唔會幫手講清楚/溝通，只係叫你番去消化。比人話之餘冇解答過。) (同埋我想了解下點解自己耳仔成日都咁易咁佢都係9唔答8都唔知佢答左咩。 )
再者，同大家講嘅一樣，佢嘅好arrogant係令人唔舒服果種，而佢仲無啦啦同我講：唔好以為自己好叻 做左啲咩咩咩 ，(係令你感覺無啦啦比人話同睇唔起果種語氣) 我直情聽到係佢面前下巴都跌到落地 O哂咀，真係唔知咩醫生黎。
然後都未溝通得到，佢再次好arrogant咁話你出去等姑娘同你解釋。我:??? (然而姑娘比藥時又係唔問都唔知個藥係咩作用 因為藥面冇寫) (同埋我未試過洗完耳要比消炎藥油我番去話要滴足3日，都唔知係咪整損左我唔同我講，諗諗下我都唔知要唔要驚發炎)
解答唔到病人問題，要比佢話，比佢串，比佢趕，問嘅野冇實在答案，咁樣收人$1500 consultation. 加埋其他以上講嘅野，真係好好好好癲。
建議大家唔好比錢佢賺同埋買難受。🙇♀️
(Btw仲未痛完，大癲)
簡評:
個人觀感- 態度有失、醫德有損
經歷過程- 只知取藥付費，未能盡釋疑慮
推介意見- 本人絕對不會再作光顧 
Kay
#37281- 7/3/2023 10:53:53 PM
- *** 不予置評 ***
- 診症日期:2023年 7月2日
- 求診目的: 耳鼻喉疾病
- 診金收費: 400
- 輪侯時間: 需預約等候片刻
- 光顧經驗: 隨機方便嘗試
- 專業態度:1 對症下藥:1 診金合理:1
- 經歷詳述:
第一次寫劣評俾醫生，睇完之後覺得好難過，成個過程不停受氣！我係用保險醫療去睇嘅。
一入房，廖醫生成個人挨住喺張電腦櫈，一路嘆氣一路問「咩事啊？」我講咗係隻耳因為釘耳骨而生咗粒野，佢即時話「我唔會幫你做㗎，太多complications」（當時連檢查都未）全場靜咗。咁我咪問可唔可以refer俾其他人做，隔離黑口黑面個護士就話「醫生自己已經係專科，唔會俾人做」。我話我有朋友喺大陸做咗呢個手術，暫時都冇事，廖醫生就問「你係咪護士？RN?」（我心諗，有咩關係⋯）最後我係咁follow up問問題，佢先肯寫封信，叫我睇另一個醫生。一路寫，一路話「好地地走去釘耳做咩吖」呢啲冇意義嘅說話。
其實每個醫生有自己嘅判斷係冇問題，但全程用好arrogant同challenging嘅態度問診，令病人好唔舒服，好似要求佢咁，絕對唔會再睇，亦唔recommend大家去。
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧 
roy
#31733- 12/2/2020 5:31:54 PM
- *** 不予置評 ***
- 診症日期:2020年 12月2日
- 求診目的: 耳鼻喉疾病 耳痛
- 診金收費: -
- 輪侯時間: 需預約等候片刻
- 光顧經驗: 隨機方便嘗試
- 專業態度:1 對症下藥:1 診金合理:1
- 經歷詳述:
差差差～
後悔依先睇到佢D評！
長話短說！ 耳仔痛去睇佢，我係用公司咭，入去前姑娘係咁同我講好多額收費，吾梗要啦黎左咪睇下先
入到佢都串串到態度，叫我坐開，佢埋黎睇我既時候感覺佢好求其睇完就話，吾太知咩事，洗左耳先，好彩我記得係要再比錢
心諗，佢一陣又話要做探耳又要比，我厚住面皮都話吾想洗耳，佢聽到即黑面態度轉晒，咁你出番去啦！
乜都無講話我咩事，又無開藥，好彩我有公司咭最多比$70
成件事感覺廖國忠醫生，係好屈人錢
我睇番普通番都係$200搞掂，都明白專科係貴D，但咁多人都咁講，真係好無醫得囉
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧 - NG C M
#30925 - 7/20/2020 9:06:20 AM
- *** 值得推介 ***
- 診症日期:2020年 3月9日
- 求診目的: 耳鼻喉疾病
- 診金收費: -
- 輪侯時間: 需預約等候片刻
- 光顧經驗: 朋友介紹推薦
- 專業態度:10 對症下藥:10 診金合理:10
- 經歷詳述:
鼻腔內有粒狀物，睇政府醫生做咗一次手術，半個月後復發，話再做手術有機會刺穿鼻樑中間條軟骨穿窿，馬上聯絡保險介紹咗廖醫生，診治果斷快捷，相信與其臨床經驗豐富有關，而且都有解答我的疑慮，事後至今一齊良好，多謝他的治療。
簡評:
個人觀感- 判症快捷、合情合理
經歷過程- 醫生會從病人出發去提供意見
推介意見- 值得向有需要人仕推介 - chengke
#30766 - 6/19/2020 1:25:43 PM
- *** 不予置評 ***
- 診症日期:2020年 6月19日
- 求診目的: 耳鼻喉疾病
- 診金收費: -
- 輪侯時間: 需預約準時
- 光顧經驗: 隨機方便嘗試
- 專業態度:1 對症下藥:1 診金合理:1
- 經歷詳述:
因臨時想約第二日看醫生，成個中環全full，只有廖國忠有空位（當時就覺得有問題），所以就約了他（不過當時預約的姑娘態度也極差，不耐煩）。沒想到事後過來看網路評價，簡直和我的遭遇完全一樣！
因一隻耳發炎（之前也曾經發炎過，當時看過其他醫生所以比較清楚需要怎麼治療），於是這次只想找醫生拿藥。在看廖國忠之前，姑娘有解釋清楚醫療卡可能不包的費用（包括清潔耳朵，$900一邊，以及一些貴價的藥費），當時想法是我也不需要。沒想到進到診室，廖一上來就說要清潔耳朵，我解釋說我之前有過類似發炎，不需要清潔了，希望開藥即可。廖馬上360度態度轉變，“那你去看普通科醫生，在我這裡看就要洗耳”。 Excuse me？病人沒有權利不接受某項治療嗎！我拒絕之後，廖完全收手不看，沒有任何對病症的解釋和說明，打發走了我，開了一隻滴耳水。態度極差！
這是我活到現在最差的醫療體驗！奉勸大家就算走遍全港沒有選擇也不要選擇這一家。
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧
Ting
Kay
roy