-
黃偉鵬醫生(男)
Dr. Wong Wai Pang
普通科 - 值得推介 : 0
- 新界上水馬會道184號B舖
- Tel: 21450808
- 收費:
- 專業資格:
香港中文大學內外全科醫學士
MBChB CUHK 2002 - 診症時間:
- 服務範圍:
- 診所以外提供的服務:
- 使用醫院或其他服務診所:
- 其他資料:
黃偉鵬醫生(男)- 尋醫報告
Law
#40913- 8/4/2025 6:30:01 PM
- *** 不予置評 ***
- 診症日期:2025年 8月4日
- 求診目的: 骨骼關節
- 診金收費: 500
- 輪侯時間: 需預約等候片刻
- 光顧經驗: 隨機方便嘗試
- 專業態度:10 對症下藥:1 診金合理:4
- 經歷詳述:
本人係2025年8月4日到黃偉鵬醫生診所求診。
等候時間唔算長，姑娘態度都OK
但黃醫生既醫者態度真係令我唔會想再次求趁。
第一次到該診所，而自己不嬲都冇睇開既醫生，就腳，有開就得
求診原因係本人係8月2日返工，坐完Office椅子，中途起起身，發現腰痛，企唔直，個刻就知自己整親，只係我都唔知點解會整親，冇跌低冇扭到，就係坐完起身就開始痛。
當日冇即刻睇醫生，因為之前已經試過幾次腰痛，大多數係做完運動(打排球)，而腰痛前一日亦都做完運動，好多時都係抖幾日冇事，所以不為意，收工就返屋企休息算。
去到8月3日，條腰痛到直頭落床，行路都困難，連坐一陣都唔得，屋企人都有建議去睇醫生，但星期日都係得返急症，姐係有排等＋痛到我只想攤係到，所以都冇去睇醫生。
*回帶返，好幾年前整親過一次，過左幾日就好返，而上年都曾經試過腰痛，去睇過一間"上水紐約脊骨及物理治療中心"，有照過X光同做物理治療，X光顯示我T2個節的而且確係較窄，令到有小小坐骨神經痛。但本人覆診過一次就冇再睇，一黎好貴，二黎屋企人同佢朋友都曾經坐骨神經痛(要做手術個隻），曾經去過睇成年都冇改善，所以我果斷放棄。亦係一位典型年青人，條腰好返唔再痛就冇再Follow up*
而今次，屋企人覺得我痛得太西利，建議我去佢之前睇開＋做手術既醫生到睇，因為信心保證，但私家，價錢都唔平，我有保險，但保險要有轉介信先Claim到。
所以我係8月4日就去黃偉鵬醫生診所，1.)想睇下自已發生咩事 2.)想要轉介信
去到醫生房，黃醫生都好好笑容，把聲都好Nice(之後先知係笑面虎)
黃：咩事唔舒服？
我：條腰整親
黃：點整親？
我：我都唔知，個日返返下工，一起身就痛
黃：姐係冇實則整親個一下？
我：冇呀。。。（其實仲想講落去，有舊患同前一日打完波)
黃：咁都叫整親？(帶有諷刺笑聲)
我：係呀，我都唔知點解(其實已經有D嬲)
黃：(繼續挪揄我唔係真係整親)
我：其實我之前已經整親過，照過X光，有一節係差D壓到神經線
黃：(繼續諷刺笑聲)咁點解唔睇返上次個醫生？
我：因為冇用(詳情睇返上面)
黃：(繼續諷刺笑聲)
我：(我心諗笑夠未？醫生一定要睇同一個？)
黃：您都係想要轉介信Claim保險姐
我：(一聽到已經心諗JM9？想拎轉介信有咩問題？同埋我黎都真係想睇病而唔係純想拎信，但就算係，我唔明一個醫生咁樣講野係為咩？)
我：唔係，其實我真係想要止痛藥，尋日痛到落唔到床
(唔知點解，我講完之後，佢態度就冇再質疑)
之後好簡單檢查，我有表明到我係右邊腰痛，
但最後張Refer Letter係寫我左邊，
當然，其實我左右都痛，因為右邊既腰痛令我重心去曬左邊，所以左邊都會痛("專業"既黃醫師一定好清楚)，
但我既痛點係係右邊，我同佢講都係右邊，唔明點解最後出黎封信係左邊？？？？
呢D就係所謂既專業嗎？？？？？
我可以當唔小心寫錯，係人都會做錯野，
但！！！作為醫生，咁樣既睇症態度我都係大惑不解？
醫者父母心，我唔明點解會句句係到質疑＋諷刺笑聲？？？
乜可以咁樣講野？？？？？
講真 真係好Bad Trip，成$500，好似比人當小丑🤡
我全程聽到佢既說話都好有Hard feeling，但我一路都保持禮貌，個下覺得我第一次睇佢，佢唔知我發生過咩事，所以有質疑，所以我慢慢解釋比佢聽，但換黎既係呢位醫生既恥笑同質疑，我其後離開左越諗越唔舒服，所以先會有呢段文字
真係唔會再想去睇.....
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧 - 黄小姐
#35698 - 10/13/2022 11:48:09 AM
- *** 不予置評 ***
- 診症日期:2022年 9月19日
- 求診目的: 腸胃不適 胃痛，嘔吐
- 診金收費: 400
- 輪侯時間: 需預約等候片刻
- 光顧經驗: 隨機方便嘗試
- 專業態度:1 對症下藥:1 診金合理:5
- 經歷詳述:
我姐姐19號因胃唔舒服和嘔，他 問咗兩句，後坐喺度摸下個肚 ，話個胃有啲脹似係腸胃炎於是開咗3日葯， 食完 啲藥仍然覺得胃部痛 和 肚痛 ，星期四再去覆診， 他說應該係啲手尾嚟嘅 再加重啲藥就得啦 再食多一日藥仍然覺得很痛。 終於忍唔住要轉睇第二個醫生。 醫生叫她躺在床上 摸一摸肚部就診斷是盲腸炎 並寫紙我去急症室。😡 真係嬲到爆！！！ 經過 一連串的 檢查 ，診斷 原來盲腸炎已經化膿並且爆咗，不能做微創手術，要開肚做手術，足足住了18天醫院， 黃偉鵬醫生的誤診 😡差點令 我姐姐 冇命。
簡評:
個人觀感- 有欠詳盡、耽誤病情
經歷過程- 診証時間極其急趕，快來快去
推介意見- 本人絕對不會再作光顧 
陳先生
#30975- 7/31/2020 11:08:51 PM
- *** 不予置評 ***
- 診症日期:2020年 7月31日
- 求診目的: 傷風感冒 咳嗽
- 診金收費: 400
- 輪侯時間: 需預約準時
- 光顧經驗: 本網評譽參考
- 專業態度:2 對症下藥:1 診金合理:5
- 經歷詳述:
我都明依加病毒好嚴重，旦你作為醫生開得門做得生意就應該有反d醫德，我因為咳先黎睇你叫人唔好係到咳，然後求求其其講兩句叫人出去拎藥，你真係甘驚就咪開門了，後悔無上網睇邊到醫生好，一睇原來呢間負評勁多
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧 - Kk
#27779 - 4/11/2019 11:44:09 PM
- *** 不予置評 ***
- 診症日期:2019年 2月--
- 求診目的: 傷風感冒
- 診金收費: 300
- 輪侯時間: 需預約等候頗長
- 光顧經驗: 朋友介紹推薦
- 專業態度:6 對症下藥:1 診金合理:6
- 經歷詳述:
開始見面時態度頗溫柔， 但診症不算認真，趕收工咁⋯我有頗多問題問医生， 佢話乜我咁多問題， 仲有咩問題， 你一次過講晒佢la (簡直係態度惡劣，從未試過有醫生咁講野，事後我真係嬲到爆～感覺佢好假仁假義， so bad!!
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧
Law
陳先生