-
廖敬賢醫生(男)
Dr. LIU King Yin, Rico
臨床腫瘤科 - 值得推介 : 2
- 香港跑馬地山村道二號養和醫院李樹芬院三樓
- Tel: 2835 8877
- 收費:
- 專業資格:
澳洲雪梨大學內外全科醫學士
英國皇家放射科學醫學院院士
香港放射科醫學院院士
香港醫學專科學院院士(放射科) - 診症時間:
敬請預約 - 服務範圍:
- 診所以外提供的服務:
- 使用醫院或其他服務診所:
- 其他資料:
廖敬賢醫生(男)- 尋醫報告
失望至極
#30674- 06/06/2020 14:17:46
- *** 值得推介 ***
- 診症日期:2020年 ----
- 求診目的: 癌症腫瘤 問症
- 診金收費: 1500
- 輪侯時間: 需預約等候片刻
- 光顧經驗: 本網評譽參考
- 專業態度:5 對症下藥:5 診金合理:1
- 經歷詳述:
對養和醫院&醫生都好失望，如果係我呢啲平民真係唔好去！只會蹝錢蹝時間！
因為家人已經入咗院，打去養和既reception話可以就咁帶啲身體檢查報告去俾醫生睇，問診先，病人可以休息唔洗走來走去。 見到呢度有評論話廖敬賢醫生好好，就諗住搵佢攞個second opinion。
大家千其唔好浪費$1500既診金，因為完全無幫助，如果真係去既就帶埋病人去。如果唔係就好似我地咁：
等咗一陣入到去見醫生既時候，第一下已經feel到佢唔太友善 （強調：個人感覺）
一開頭正正常常都係問返我地家人既病史。（家人病史比較長，我認我地講得有啲亂既）
講完一論之後醫生竟然係問我地："咁你地想我做啲咩？" (下？）
同埋我都知我家人既情況唔樂觀，醫生係咁講我聽完你地咁講，其實都好快無，生命剩返好短（個問題係態度完全唔想醫咁）
我唔係介意佢咁樣講，我都知醫生要直接將情況表達出黎。但係你作為醫生既態度係咪應該考慮下家屬感受呢？好在我家人無一齊去聽呢啲說話。
我嬲既係我地之後再問問題既時候，醫生係咁話我未見過病人，只係憑你地帶黎既資料，都話唔到啲咩
咁，係都要入醫抽血睇咗報告先知。問親問題都係咁講。我亦唔知醫生貴人事忙用咗幾多時間黎睇我帶去既報告。
咁好心養和就唔好同人講話可以家屬帶報告黎問症啦，根本呃人！
好，咁我就俾埋我家人近期既驗血報告醫生，佢睇咗兩眼 就話：係囉，啲指數咁高 。就完咗
都feel到佢唔想收我地個症。
我黎就係想睇下我屋企人既情況，問你既專業意見或者治療方案
點知醫生（我感覺）就咁介紹咗隻藥我地，話呢隻藥係唯一你地未用過既，所以可以試 ，就想打發我。
大家真係唔好好似我咁，呢次問診真係浪費我時間同埋錢
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧 
Fedrex
#25774- 24/04/2018 23:24:50
- *** 值得推介 ***
- 診症日期:2017年 12月--
- 求診目的: 癌症腫瘤
- 診金收費: 1500
- 輪侯時間: 需預約等候頗長
- 光顧經驗: 初次光顧
- 專業態度:10 對症下藥:10 診金合理:10
- 經歷詳述:
我是病人家人，每次見醫生均在場。廖敬賢醫生是罕有真心關心病人的好醫生，處處為病人設想，亦是由瑪麗醫院出來非常有經驗的醫生。他能為有特殊需要的病人細心考慮最適合病人的治療方案，除提供治療外，亦時常鼓勵病人，開解病人，重視癌症病人身心狀態。廖醫生甚有醫德，會幫病人省錢，不會隨意要病人花錢作沒有必要的檢查。該做的他還是會做，他要病人做的所有檢查，PET scan 等，都是用以幫忙監察化療成效，令他可以有實質數據評估化療效用。綜合見過超過6 位腫瘤科醫生，就只有廖醫生最令人放心信任，最真心及有耐性，最容易傾談。廖醫生並非只顧賺錢的醫生，甚至不會計較金錢，是真心想醫好病人的醫生。唯一不足是他實在太多病人，非常忙碌，等候時間頗長，但他再忙都會回覆病人電話，甚至會親自致電病人講解情況。最初還害怕養和太貴不敢去試廖醫生，以致浪費了更多診金去見一些根本無心醫人，打發病人走的醫生；遇到廖醫生後，才知道原來還真的有醫德高尚，以病人為先的仁醫。
簡評:
個人觀感- 仁心仁術、醫德高尚
經歷過程- 求診病人實在太多，等候需時
推介意見- 已視為本人的必然選擇
失望至極
Fedrex