-
陸藹晶醫生(女)
Dr. LUK OI JING, FIONA
眼科 - 值得推介 : 1
- 香港中環畢打街1號中建大廈733室
- Tel: 3651 1718
- 收費:$1000起藥費另計
- 專業資格:
英國鍚菲爾大學內外全科醫學士 2001
英國愛丁堡皇家外科醫學院院員（眼科）
香港眼科醫學院院士
香港醫學專科學院院士（眼科） - 診症時間:
敬請預約
星期一︰1000-1700
星期二︰1500-1700
星期三︰1000-1700
星期四︰1000-1700
星期五︰1000-1700
星期六︰1000-1230
星期日︰close
P. H. : close - 服務範圍:
- 診所以外提供的服務:
- 使用醫院或其他服務診所:
- 其他資料:
陸藹晶醫生(女)- 尋醫報告
G
#34391- 3/22/2022 9:46:51 PM
- *** 不予置評 ***
- 診症日期:2022年 3月22日
- 求診目的: 眼睛疾病
- 診金收費: 5000
- 輪侯時間: 需預約準時
- 光顧經驗: 朋友介紹推薦
- 專業態度:1 對症下藥:1 診金合理:1
- 經歷詳述:
態度極差，醫術更加有問題! 從來未見過咁差嘅醫生！
今日要做移除眼瘡手術(左邊上眼皮，位置咁岩喺生眼睫毛嘅位置)，係個局部麻醉手術，手術前佢幫我做檢測，檢測都未開始佢就一路係咁推我要打類固醇針, 佢話咁樣我可以即刻減腫咗個位置, 我已經覺得佢淨係喺度sell人買藥!
檢查一開始就好大力翻開我眼皮，而戳到我眼球2次！佢即刻就好大聲話: 唉唔使做檢查啦，你出去坐吓轉頭姑娘幫你滴眼藥水。離哂大譜！ 呢個係咩態度?
我喺出邊坐，佢哋就準備手術房，差唔多嘅時候姑娘行過嚟幫我滴麻醉眼藥水，位置明明喺上邊佢就幫我滴下面，我已經好無語。姑娘仲話5分鐘後返嚟再幫我補幾滴，但係5分鐘後佢冇幫我補，反而直接叫我入手術房。
入到手術房，佢就叫我瞓低，醫生一嚟就已經想幫我打麻醉針，問都冇問過我依家隻眼係咪有啲麻醉感覺，反而要我即刻同返佢講，啱啱滴嘅麻醉眼藥水，我完全冇feel，佢話冇可能，逼不得已先幫我滴一滴係上眼皮嘅位置…滴完嗰一滴眼藥水之後佢就即刻用麻醉針一下吉落嚟，之後就馬上用眼瘡鉗翻開我左邊上眼皮, 但係因為我麻醉仲未有反應, 我即刻講 “好痛, 我feel唔到有麻醉效果, i’m not comfortable with this” 醫生也馬上好大聲喺度唉咗一聲，俾我嘅感覺係佢質疑緊我！我當時已經覺得好嬲，佢好唔冇耐性，完全0專業操守。佢再幫我補麻醉針，再嚟多次用眼瘡鉗鉗開我眼皮，而即刻落刀, 當時其實我嘅麻醉反應只係得3/10，我當時就覺得係因為佢用眼瘡鉗去鉗住我所謂局部位置我先feel到有輕微麻痹,上下眼皮完全覺得超痛，唔係真係打麻醉針麻痹嘅感覺，大家都應該知道打麻醉針應該係會覺得麻痹, 但係最恐怖嘅係我冇! 我都即刻發聲，佢就好質疑咁話應該唔會有痛嘅感覺，我完全feel到佢好大力咁樣喺度撩來了去，痛到我一路標眼水，一路喺度話痛，佢完全冇停過完全唔理，淨係識得一路喺度比壓力我隻眼！
手術過程中，我完全feel到佢喺度做緊啲乜，完全exactly撩緊邊個位置, 但係最大鑊就係佢位置完全錯晒, 佢係內側撩來了去, 但係我生眼瘡嘅位置直情喺眼睫毛嘅位置! 呢個女醫生就不停喺度同我講, 你上一次嘅位置就內側裏邊, 我即刻反駁佢話但今次係生眼睫毛嘅位置，唔係喺內側裏面, 佢就話得㗎啦今次都喺內側㗎喇! 我當場嬲到我火都滾埋！
手術完我就等埋單， 當時我就覺得呢個醫生好有問題。我問佢拎病假紙，佢寫嘅診斷: Eye Disease, 傻嘅都知個醫生喺度敷衍緊你. 連眼瘡呢個英文字都唔識寫. 大家驚唔驚呀? 我問姑娘可唔可以叫佢寫返眼瘡, 等咗半個鐘先寫到俾我! 喺呢半個鐘頭裏面, 我同姑娘講話想拎返我所有嘅病歷, 姑娘話醫生唔會俾返病歷我，只會寫返簡介俾我, 到底呢個醫生佢係咪好有問題？我相信大家睇過醫生嘅人，係有權拎返自己嘅病歷，無論你去到政府醫院都好，只要你問你就可以拎返所有病歷，而唔係醫生只會俾一張簡介紙囉！
簡評:
個人觀感- 態度有失、醫德有損
經歷過程- 醫護之語調態度令人無所適從
推介意見- 本人絕對不會再作光顧 
Mr E
#32397- 4/23/2021 10:10:22 PM
- *** 值得推介 ***
- 診症日期:2020年 ----
- 求診目的: 眼睛疾病
- 診金收費: 1000
- 輪侯時間: 需預約準時
- 光顧經驗: 朋友介紹推薦
- 專業態度:10 對症下藥:10 診金合理:10
- 經歷詳述:
Dr Luk 親切友善 溫文有禮 且了解病人需要 有經驗及服務非常專業 現在已完全康復 謝謝她的治療！😊
簡評:
個人觀感- 經驗豐富、絕不拖症
經歷過程- 醫生會清晰明確的講解其病情
推介意見- 優質醫療服務理應如此 - Levine
#31920 - 1/11/2021 9:15:05 PM
- *** 不予置評 ***
- 診症日期:2020年 11月6日
- 求診目的: 眼睛疾病
- 診金收費: 2000
- 輪侯時間: 需預約準時
- 光顧經驗: 其他網絡途徑
- 專業態度:1 對症下藥:1 診金合理:1
- 經歷詳述:
嚴重拖症，態度非常不誠實。又會要我多買好多無謂藥水。好彩睇咗三次之後有朋友介紹轉醫生才結束惡夢！每次收費超過$2000但無效果無結果，只係不斷俾錢做檢查同買藥水！
未見過咁差嘅專科！
簡評:
個人觀感- 有欠詳盡、耽誤病情
經歷過程- 只知取藥付費，未能盡釋疑慮
推介意見- 本人絕對不會再作光顧
G
Mr E