專科分類目錄

鄧維達醫生答問

鄧維達醫生(男)
Dr. Tang Wai Tat, Wilson
眼科
值得推介 : 57

會員#16950 Chan wing sum
生蛇入眼
病患者男 - 20歲

我去睇醫生先發現我生蛇入眼，每次食完藥就好番唔痛，完成療程一唔食藥眼又開始刺痛，一日計埋可以得5至6秒既刺痛。生蛇個達係我眼白到，冇影響我視力，係粉紅色。但每到晚上就紅紅地。睇左5次，手尾都好像未斷咁，究竟呢個情況係正常定點
鄧維達醫生回覆
你好，若眼白仍然紅，有機會發炎未好，亦要考慮是否其他病因，如藥物刺激引至眼睛表皮破損，眼乾及敏感等等可能性。建議可根據眼科醫生臨床檢查而跟進治療。

會員#16908 CL
斜視
病患者女 - 30歲

我想查詢內斜視手術的詳情,此手術需要住院嗎?可以馬上上班嗎?恢復期是多久?
由於我不是香港居民,檢查費用和手術費用需要加收嗎?
費用大概是多少?
鄧維達醫生回覆
你好，斜視手術ㄧ般會於全身麻醉下進行，所以會住院進行手術，手術後留院ㄧ天。術後眼睛因有輕微不適感，建議休息2至3天，才考慮回復工作。斜視手術後康復至較穩定效果及眼睛退紅時間約需ㄧ個月左右。是否香港居民於本中心診治不會影响收費，醫生手術費用則視乎手術複雜性及需要動那條/多少條眼部肌組而決定，介乎三萬幾至六萬幾不等。詳情可約見醫生作詳細診斷及講解。

會員#16907 Chan how yin
整傷隻眼
病患者男 - 42歲

前日有沙石入咗眼之後開始紅腫今日已開始消腫但隻眼都好紅左眼望野有少少濛想請問一下會唔會好嚴重
鄧維達醫生回覆
你好，情況很大機會是角膜留有異物，建議盡快約見眼科醫生，把異物清除，以防異物導致傷口感染及角膜潰瘍破穿，及角膜留下嚴重疤痕等併發症。

會員#16906 Ng
小朋友眼白有幾點黑色
病患者女 - 6歲

你好，我以前我小朋友眼白只有一點黑色現在多了幾點唔知道要唔要睇醫生檢查
鄧維達醫生回覆
你好，眼白出現黑點，一般常見是血管週邊出現色素沉積的正常現象。但若果出現較大範圍的灰黑色斑塊，刞需要檢查是否眼部黑色素細胞增生(ocular melancytosis)的疾患，因為此類眼疾會增加出現葡萄膜色素瘤及青光眼的機會，需要眼科醫生定期跟進。若有懷疑或擔心，請約見眼科醫生，作詳細檢查及臨床診斷為宜。

會員#16738 Law Siuling
眼皮紅腫、㾗
病患者女 - 29歲

眼皮持續性紅腫、痕，容易疲倦；4個幾月前睡眠不足加上夜晚用好喑床頭燈睇手機，早上訓醒發覺眼皮紅腫好嚴重，好似張唔開眼，係眼房買左眼藥膏擦左幾日係改善好左，但呢個月一有睡眠不充足，眼皮就很紅、很腫、很㾗！就算擦左之前的藥膏，效果都唔明顯，同埋之前用開的眼部化妝品一用又過敏（之前用開唔會敏感）請問是屬於眼瞼炎嗎？
有什麼方法可以改善或者係要睇眼科？
鄧維達醫生回覆
你好Ms Law，根據你的描述，是患有敏感眼瞼皮膚炎。若情況較嚴重，一般需要使用含類固醇消炎眼藥膏，以控制情況。但由於含類固醇藥物，用於眼週邊，或會產生眼壓高等副作用，建議約見眼科醫生，於醫生指導下小心使用藥物為宜。
另外亦建議數星期避免或盡量減少於眼瞼使用化妝品，以防止敏感性皮膚炎惡化或容易覆發。亦要留意是否某化妝品導致敏感。

上一頁下一頁

醫務信箱
致鄧維達醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見