專科分類目錄

梁詠恩醫生答問

會員#21320 Purple Rain
Xray牙腳有黑影
病患者女 - 31歲

右邊上排最右大牙（非智慧齒）有敲痛，伸長感。去年九月睇醫生照左X光，表面不是蛀牙問題，但牙腳附近有黑影，醫生未有確定是什麼情況，開了消炎止痛，說如果再痛之後雖做杜牙根。事隔半年，那隻牙又開始痛，痛感跟上次一樣。請問xray 黑腳附近有黑影是什麼狀況？如果不是蛀牙為何要做杜牙根？
梁詠恩醫生回覆
這可能是牙根發炎的症狀
牙根發炎除了蛀牙外有很多成因，例如牙齒有裂縫，嚴重牙周病等也會導致牙根發炎
如果確診為牙根發炎就需要接受杜牙根治療

會員#20694 Hanson
十多年沒洗牙
病患者男 - 26歲

我自小學牙科保健後就沒洗牙，
今天找了牙醫洗牙，醫生話我Ｄ大牙無咩野
但下排門牙Ｄ牙石勁到爆，話佢做左３０幾年算少見
洗完之後下排最前果２隻門牙變到好幼，對比上排門牙黎講
下排門牙中間既牙縫望落走3MM咁寬，直接由牙肉到牙齒頂直通。

牙肉就係比牙石阻住果Ｄ位係鮮紅色發炎，其他部分都係淡紅色。牙肉唔算痛，只係有Ｄ酸酸地小痛既感覺。
洗完牙後一個半小時唔覺得有不斷流血，只間條舌頭碰到牙肉先有少少血味。

我望過唔似有牙袋，見Ｄ牙同牙肉直接連住，Ｄ牙肉都係直既，無Ｄ凹落去既位。

Ｄ牙自己感覺亦唔覺有鬆，感覺仲好實。

醫生話要分２次洗牙，今次洗左６～７成。
第二次等過完年先洗。
問過醫生我洗唔洗深層洗牙，醫生話要洗埋第二次先知。
但依家初步睇應該唔洗。

我想問我呢個情況算唔算嚴重，屬於咩時期既牙周病。
因為無咩錢深層洗牙太貴，好怕要做呢個。
梁詠恩醫生回覆
其實牙周袋肉眠不能看到, 醫生是需要探針才能知道牙周袋的深度, 你可以先看看第二次洗牙後牙肉康復情，如經過第二次洗牙之後，醫生還探測到比較深的牙周袋，那麼便要進行深層洗牙了。