專科分類目錄

梁詠恩醫生答問

會員# Connie
杜牙根牙套
病患者女 - 53歲

医生你好：本人在牙髓專科医生處杜完牙根。现在想做牙套，唔知去哪裏做？因為幫我杜牙根的那位牙髓專科医生開價比普通牙科医生貴。

現在感到苦惱：去找那個幫我杜牙根的牙髓專科医生做牙套還是找普通科牙医做牙套？請给建議
梁詠恩醫生回覆
如果是牙套的話
找普通科牙科醫生也可以的了

會員#18071 Emond
牙齒問題
病患者女 - 55歲

本人去年年初因牙痛去睇牙醫，醫生話要做杜牙根，之後要做埋牙套，後來大約四個月後洗牙，洗完牙一個月左右，杜牙根隔離隻牙牙腳無端有一忽甩左出來，形成一個牙洞，即時搵醫生，佢話隻牙腳脆左，所以甩出來，還即時同我補牙，但呢隻牙從來沒有任何不適，今年2 月我又去洗牙，點知過左一個月，補左嘅牙又甩，佢又係再補，然而話再甩就要做牙套，這兩天，補左嘅位又有少少甩，我懷疑佢同我第一次杜牙根時磨埋我呢隻冇事嘅，我好唔好再搵佢幫我裝牙套呢?好似沒完沒了的...是否有機會磨牙時磨埋隔離果隻呢?求牙醫指點!
梁詠恩醫生回覆
首先，如果有牙泂的話，一定要填補，所以建議你要找牙醫修補。至於修補的方法，要取決於臨床的情況，若缺失的部分比較大，通常亦建議用牙套修補牙齒。
至於做牙套只會磨走做牙套的牙齒結構，正常情況下是不會損壞相鄰的牙齒的。

會員# Mswong
牙齒鬆動牙肉腫痛
病患者女 - 23歲

梁醫生你好，我本身牙齒冇大問題，係上面兩邊都有智慧齒，會好易咬到牙肉，都冇大影響，前幾年11-12年左右下邊生智慧齒，當時好痛去睇牙醫，醫生話生唔出，最後決定剝左。大約前一至兩年去洗牙，牙醫話我牙肉紅腫叫我刷牙要刷埋牙肉，洗牙後2-3個月有keep住早晚刷，但後期就只刷夜晚..前幾星期約1月中開始覺得上面一邊犬齒有少少鬆，冇咩理會，前幾日開始越黎越鬆，刷牙時亦見到有牙血，但顏色偏啡，昨晚開始牙肉腫痛，呢個情況係咪已好嚴重？係牙周病？鬆既牙齒仲有救嗎？

另外想補充，我上次去洗牙前已知自己左下邊智慧齒都開始生，當時牙醫幫忙照x光亦係生唔出，話呢隻更大如要剝會更困難！呢幾個月呢隻智慧齒一直有長出，不知道犬齒鬆動會否和這隻智慧齒有關？謝謝你！
梁詠恩醫生回覆
根據你形容的情況，應該是牙周病，而且可能已經是比較嚴重的程度，建議盡快找醫生檢查。也建議每天最起碼要刷牙兩次，保持口腔衞生清潔，否則牙周病可能會愈來愈嚴重。
另外智慧齒是不會另你的犬齒鬆的，是另一個問題

會員#16292 Ivan Lam
牙套問題
病患者男 - 24歲

醫生，多謝你之前回答左我既問題。
我另外有關於牙套既問題想請教一下，如果我個隻牙無做杜牙根而做牙套，之後食野會唔會有敏感既情況出現？例如酸痛等情況。謝謝。
梁詠恩醫生回覆
如果有這樣的情況，可能代表牙根發炎，需要杜牙根