專科分類目錄

周順傑醫生答問

周順傑醫生(男)
Dr. Chow Shun Kit
耳鼻喉科
值得推介 : 19

會員#16186 Mary
耳石症加腦神經引發頭暈
我個頭部之前受過一件物撞擊，過左一個月之後我突然間睡覺時翟醒，見到屋企既野不停轉動，後來我就去左睇耳鼻喉科，醫生就幫我做左一啲耳石復位術，彈起期間就不停番發啦，咁我想問下其實呢一個耳石移位係唔係我受到撞擊先至會有咁既情況出現，因為我睇左幾個耳鼻喉科醫生一個月就話係受到撞擊有呢個情況出現，另一個就話唔係因為無理由相隔一個月咁耐，我最後去左養和睇歐博士咁就幫我整好8，9成，但週不時都會翻發，過左差唔多接近一年的時候我就突然間係街我到你就好暈但係我係第一次有一個感覺，在之後我就在去醫院check，我check左頸部同埋頭部的磁力共振, 醫生呢就見到我條頸係有d退化病但係個血管系無問題, 但之後佢就話見到我個腦入面一條好粗血管，但腦神經科醫生睇血管有關有機會係耳水不平衡或者係耳仔就出現咗問題，咁我想問下各位醫生可唔可以比d意見我究竟我個個係會唔會有關我撞親個頭令到呢個血管粗咗引致耳仔有問題引發頭暈？同埋個血管粗又係唔係應該係本新天生還是可以後天令到血管粗咗問題？
一畫係我個腦神經有系統有問題？
周順傑醫生回覆
妳好！頭部受到撞擊，是可以引起耳石移位的，而暈眩病徵亦可能滯後發生。頭部撞擊一般不會使腦血管變粗，妳形容的徵狀很大機會是因為耳石移位，而做了耳石復位法亦有部份人會復發。請找耳鼻喉科醫生再作檢查和治療。

周順傑醫生
耳鼻喉科專科醫生

會員# doris lo
吞了魚骨去了醫院檢查醫生說沒有發現但還痛
醫生你好我最近吞了條魚骨前段時間沒有甚麼感覺但最近開始覺得很痛便去了醫院檢查有個醫生檢查了說喉嚨有點損傷但我說還是覺得有條魚骨卡在哪裡然後他就安排我去做內視鏡但做完竟然說喉嚨甚麼事都沒有就安排我出院這令我覺得十分奇怪而且我現在喉嚨還是覺得很痛感覺魚骨還在裡面吞口水也痛但我媽說要相信醫院我現在應該怎麼辦
周順傑醫生回覆
妳好！若有魚骨刺在咽喉，醫生用內窺鏡是看得見的。若魚骨已不在，但曾經刺損黏膜，也可以引起數天局部喉嚨痛。如果喉嚨痛持續，或有發燒、呑咽困難的徵狀，請找醫生再檢查。

周順傑醫生
耳鼻喉科專科醫生

會員#16185 Chui kin keung
耳仔塞左
之前左耳塞住左聽野唔係咁清楚好似有塊膜隔住左咁，有時通，有時塞，最近就長期塞住咁，而右耳就有時訓醒都會塞但郁一郁隻右耳就會卜一聲通返，但隻左耳就唔得，長塞咁，有冇人都有咁既情況？我油性耳，又成日唔清潔耳仔，我懷疑係耳屎太多塞住晒？
周順傑醫生回覆
你好！你的耳道可能有耳垢堆積阻塞，請找醫生清理，並檢查耳膜。若只是耳垢問題，清除後聽力便會回復正常。

周順傑醫生
耳鼻喉科專科醫生

會員#12345 qqgiww
左耳洞痕癢
我的左耳洞時常很痕癢，看了醫生，驗出有少許金黃葡萄球菌，但醫未好，請問醫生嚴重嗎？
周順傑醫生回覆
你好！金黃葡萄球菌是外耳炎中常見的細菌，會引起耳道痕癢，疼痛，甚至流出液體和耳道閉塞等不適。醫生會在顯微鏡下清理耳道，然後用含抗生素、類固醇的藥水滴耳。要避免撩耳或讓耳道入水，一般很快痊癒。但若外耳有油溢性皮膚炎，則比較容易復發。

周順傑醫生
耳鼻喉科專科醫生

會員# 小敏
右耳痕癢加痛
醫生，我右耳痕癢加痛已將一星期，請問是什麼問題？
周順傑醫生回覆
你好！耳朵痕癢和痛是外耳和耳道發炎的病徵，一般因細菌、真菌或皮膚炎引起。耳道可能有分泌或耳垢，最好由耳鼻喉科醫生在顯微鏡下清潔，然後用適合的藥水滴耳。要避免耳道入水和撩耳。

周順傑醫生
耳鼻喉科專科醫生

醫務信箱
致周順傑醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見

周順傑醫生答問

醫務信箱