專科分類目錄

周順傑醫生答問

周順傑醫生(男)
Dr. Chow Shun Kit
耳鼻喉科
值得推介 : 19

會員# hyl
耳經常流黃色水，呑口水有聲
病患者女 - 20歲

我耳仔常常有黃色耳水流岀，隔數分鐘又會有，一時就變結焦，但沖完涼會用棉花棒用完又會變反有耳水岀，一時有異味一時無，最近感冒生病喉嚨極痛腫脹，呑口水也痛，鼻塞，耳有時痛，耳覺得聽力低左塞住左，呑口水也發現右耳有卜一聲，但沒有經常流耳水了，是怎樣呢？謝謝
周順傑醫生回覆
妳好！耳朵常有分泌流出，可能是外耳道或中耳發炎引起；而上呼吸道感染，亦可導致中耳發炎，建議妳請找醫生檢查和治療。

會員#18676 luigi
清耳仔
病患者女 - 4歲

醫生你好我想問我女兒兩邊耳仔痛睇過政府醫生話耳垢太多要清佢右耳痛既情況係有少許郁動都痛政府排期太耐了如果到你診所請問如何收費每隻耳仔計嗎？
周順傑醫生回覆
你好！小朋友有耳垢的話，很少感覺有痛。有耳痛可能是有發炎，要檢查後才能作出相應治療。診金收費請直接向醫生查詢。

周順傑醫生
耳鼻喉科專科醫生

會員#18663 pkmankp123
左耳聽力有問題
病患者男 - 22歲

已經一個月了, 左耳有層野隔住咁, 之前有用野挖過, 好似耳塞咁, 自己講野左耳會有回音咁樣, 我係咪要黎你地到睇醫生
周順傑醫生回覆
你好！你左耳的情況，先要作檢查，若只是耳垢阻塞耳道的話，只須把耳垢取出便可復原。但若是中耳聚水或是內耳神經細胞的毛病，便要作相應的檢查和治療了。建議你儘早找耳鼻喉科醫生檢查。

周順傑醫生
耳鼻喉科專科醫生

會員#18636 Vincent
早上一舊血流落喉嚨
周醫生你好, 本人今年35歲, 男。

已經有了鼻水倒流問題一斷時間。週不時會感到有鼻水流落喉嚨 - 多數都會用紙巾吐出來唔會吞(除非是社交情況唔許可就無辦法)。之前覺得鼻水倒流都係好普遍既問題, 所以無特別因為這個問題去睇醫生。

直到大約2-3個月前開始, 每隔幾日就會有一個朝早吐到一舊血出來。都係好似鼻水倒流咁, 流落喉嚨, 但感覺會明顯啲, 會感覺到有一舊野流左落喉嚨咁。
有試過一兩次係鼻出, 但多數都係留落喉嚨。舊血每次都係跟鼻水倒流一齊出, 會有少量黃色液體圍住,其如就係透明mucus。。

請看圖: https://imgur.com/a/7D0bL

開始時大約每1星期出現一次（都係早上出現）, 宜家就每兩三日一次。
睇左兩次耳鼻喉醫生, 做了兩次Endoscopy都搵唔到有問題。醫生話鼻咽鼻竇睇落正常。醫生開左Nasonex噴鼻同藥膏但幫助不大。
十一月三號做左MRI(Paranasal Sinuses), 十一月八號出左報告, 報告summary指:
- Left Sphenoid sinus有"minimal sinusitis"
- Left & Right Maxillary sinus都有"minimal sinusitis"

耳鼻喉醫生開左Antibiotic(Levofloxacin 500mg x 1 x 10 days)。十一月八號晚食左第一個dose, 跟主嗰晚半夜又暈又嘔好唔舒服, 去左睇急証。
急証醫生同我檢血, 做心電圖, 兩樣都正常, 轉左第二隻Antibiotic比我 (Augmentin 1000mg x 2 x 7 days)。
今日係我第四日食Augmentin, 但今朝早仍然有同一情況 (鼻水倒流吐到一舊血出來)。

周醫生, 你會唔會有議建可以比我？
周順傑醫生回覆
你好！鼻水倒流可能是鼻敏感或鼻竇炎引起，但一般是不會帶血的。若是帶血的話，必須找到出血的原因。常見的原因是血管破損、腫瘤丶鼻中隔彎曲等，這說的是一般的情況。你若再有出血的話，請儘快找耳鼻喉科醫生檢查。

周順傑醫生
耳鼻喉科專科醫生

會員#18624 FCY
呼氣/擤鼻時有臭味
病患者女 - 35歲

我右邊鼻孔間中會塞，好難擤出鼻涕要好大力擤，有時聞到臭涕有腥臭味，已有半年呼氣時或用力擤鼻時，都會聞到腥臭味，喉部有時感覺好緊，也有時在喉嚨咳出一些啫哩狀分泌，大多數是透明，有時帶有少許黃色。期間已看過2位耳鼻喉醫生，照過內窺鏡，都說沒有問題，抗生素也吃過。付了昂貴的醫藥費但問題仍然存在。十分困擾，謝謝幫忙解答我應該可做什麼治療?
周順傑醫生回覆
你好！據妳所說的情況，首先要排除是否有鼻竇炎。也要檢查上顎牙齒有沒有問題，引起右側鼻竇發炎，故此應考慮作CT檢查鼻竇的情況。

周順傑醫生
耳鼻喉科專科醫生

醫務信箱
致周順傑醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見

周順傑醫生答問

醫務信箱