專科分類目錄

蕭嘉輝醫生答問

蕭嘉輝醫生(男)
Dr. Siu Ka Fai Danny
腸胃肝臟科
值得推介 : 52

會員#14158 cl9528
唔知自己係咪生痔瘡
呢幾日肛門一時時痛，某一邊特別痛，但冇流血。有時隔幾個鐘摸一摸肛門邊好似有啲唔知係汗定係黏液嘅嘢，不過只係薄薄一層，捽一捽就變到好似擦膠碎咁。仲有我試過用暖水沖大約十分鐘，就會冇咁痛。唔知呢啲算唔算係早期痔瘡呢？
蕭嘉輝醫生回覆
你的症狀比較似肛裂多一些。建議找家庭醫生作進一步檢查。

Dr. Siu Ka Fai Danny

會員# 林生
胃痛
自從上個月入院照胃鏡之後，最近不斷痛，自己發覺當食得太飽，油膩食物，2~3小時就會痛，醫生又話無事，請問到底發生什麼事，如何解決？唔該。
蕭嘉輝醫生回覆
相信你的症狀令你十分辛苦。如果胃鏡正常，你所形容嘅症狀可能是膽石或胃功能失調所致。建議先進行超聲波檢查排除膽石。之後可用藥物治療胃功能失調、及請小食多餐、避免油膩、油炸食物。祝你早日康復。

Dr. Siu Ka Fai Danny

會員# 葉子
照x光後頭暈頭痛想嘔
醫生你好，因為最近兩日胃痛，又消化不良，當胃痛時腰就會(孫)痛，所以醫生安排了我照x光，照完一會兒，我就覺得頭痛頭暈同想嘔，到底發生什麼事？會不會有嚴重問題需立刻求醫？
蕭嘉輝醫生回覆
你的問題與X光檢查無關。如果胃痛嚴重，可以導致頭暈或嘔吐。但是胃痛應該不會導致腰痛，要小心如尿道炎(或腎炎）會引致頭痛、嘔吐及腰痛。如果情況沒有改善，請向專科醫生查詢。

會員# 林生
查詢病因
本人約1個月前做照胃手術，發現有2粒瘜肉，但無收到醫院來電，即表示無事。但最近1星期內，多次感覺胃痛，特別是早上及晚上時間，每次痛1~2小時後又唔痛，試過早上痛完晚上又痛，或者隔日痛，請問到底發生什麼問題。
蕭嘉輝醫生回覆
良性胃瘜肉是不會引致胃痛的。胃部痛楚通常由胃炎、胃潰瘍及胃功能失調引起。但是胃附近器官如膽、胰病變也可以引起類似胃痛的症狀。請向主診腸胃科醫生查詢藥物治療或作掃瞄檢查。

Dr. Siu Ka Fai Danny

會員# 林生
肚痛
本人早前在醫院發現有2粒瘜肉，正等待報告，但昨晚又肚痛，肚內漲起，痛，全身無力，想去廁所但無大便，請問應該如何做。
蕭嘉輝醫生回覆
如果你是做完胃或腸鏡頭一兩日，可能是檢查時打進腸胃內的空氣未完全消散。如果持續，請向主診醫生請教。

Dr. Siu Ka Fai Danny

上一頁下一頁

醫務信箱
致蕭嘉輝醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見