專科分類目錄

黃文昌醫生答問

黃文昌醫生(男)
Dr. WONG MAN CHEONG, DENNIS
牙科
值得推介 : 9

會員#21398 Cheung
橫生智慧齒
病患者女 - 25歲

想問以下幾個問題
1）本人脫掉右下最尾大牙，剩下橫生智慧齒（完全橫向，牙冠向左）有冇機會打直生到出來代替大牙空位？
2）因脫掉最尾大牙，上面對咬牙已經明顯向下生長，有咩方法可以解決？可否將長左既牙推返入牙肉內？如果唔理佢會唔會越生越長最後會甩？
3）脫掉最後的大牙後，前面的牙會唔會後移？因植牙貴，唔理佢會唔會有咩後果？
謝謝解答！
黃文昌醫生回覆
1）本人脫掉右下最尾大牙，剩下橫生智慧齒（完全橫向，牙冠向左）有冇機會打直生到出來代替大牙空位？

答：在沒有矯齒技術協助下，橫生智慧齒是沒有機會長出來並替代臼齒空位。但一般來說，橫生智慧齒都不建議保留。

2）因脫掉最尾大牙，上面對咬牙已經明顯向下生長，有咩方法可以解決？可否將長左既牙推返入牙肉內？如果唔理佢會唔會越生越長最後會甩？

答：可透過矯齒治療，將已向下生長的臼齒有限度地回復到較佳位置，但這要視乎牙周及鄰牙狀況，亦要考慮臼齒現向下生長的幅度。建議諮詢牙齒矯正科專科醫生。
倘若不理，而對咬位置依然未作缺齒修復的話，該上顎臼齒的確會隨著時間慢慢長下來，有機會影響咬合。至於會否鬆脫，則視乎牙周狀況。

3）脫掉最後的大牙後，前面的牙會唔會後移？因植牙貴，唔理佢會唔會有咩後果？

後移機會的大小視乎牙周組織的水平及整體咬合狀況。不作缺齒修復的話，長遠來說會導致牙齒移位，影響咬合及增加鄰牙負荷等問題。
Dr. Dennis Wong

會員#21691 Christina
杜牙筋後有酸軟
兩病患者女 - 46歲

星期前杜完大牙後，附近的牙有酸軟感覺
今日再比牙醫檢查後，話應該一切正常
只開定抗生素給我吃，想問這是正常嗎?
黃文昌醫生回覆
這要視乎接受了根管治療的牙齒復原及咬合狀況，亦要留意鄰牙是否本身已經有蛀蝕或隠性裂縫等問題

Dr. Dennis Wong

會員# Christ Wong
智慧齒橫生
病患者男 - 25歲

我兩粒智慧齒都橫生
琴日有少少牙痛同牙肉腫, 去左睇牙醫
佢叫我考慮剝牙, 但係照左X光又話近神經線, 有風險
其實智慧齒前面有條la, 成日攝野食係入面, 之前已經好擔心佢會蛀
但係我又唔係好知係咪要依家就冒風險去剝左佢
到底係咪要依家剝可唔可以唔剝架
黃文昌醫生回覆
阻生智慧齒會容易導致蛀牙及牙周問題，所以脫除是必要的。至於智慧齒接近神經缐的問題，建議諮詢口腔及頜面外科專科醫生，進行手術前檢查，評估手術風險及牙冠切除術的可行性

Dr. Dennis Wong

會員#21619 Frank
口腔潰爛，應該睇邊種專科?
口腔左右潰爛，有白點已成個月，食過抗生素未好，如果想睇專科撿查，應該睇邊種專科? 是否牙科?
黃文昌醫生回覆
建議諮詢口腔頜面外科專科醫生

Dr. Dennis Wong

會員# Mr Cheung
電療後補牙問題
病患者男 - 63歲

本人之前患過鼻咽癌, 接受過電療, 電療後牙齒做得脆弱, 一個月前吃東西咬斷了3隻牙齒, 其中有1隻牙齒留有牙床, 共餘2隻整隻牙齒沒了。

我去看私家牙醫, 他說我做過電療不會為我脫牙, 而種牙的價錢貴得驚人。本人未到65歲, 沒有牙科資助和醫療劵, 請問醫生有沒有其他辦法可以補到牙之餘又不貴?
黃文昌醫生回覆
接受電療後，醫生一般不會建議進行任何非必要的牙科手術（例如植牙），以避免出現傷口感染、延遲癒合，甚至骨枯。
建議考慮活動假牙（牙托）或牙橋，
詳情可以諮詢修復齒科專科醫生或註冊牙醫

Dr. Dennis Wong

醫務信箱
致黃文昌醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見

黃文昌醫生答問

醫務信箱