專科分類目錄

黎錫滔醫生答問

會員#15912 Sze
左下腹痛
病患者女 - 38歲

兩年前照過腸鏡，但這半年左下腹痛，基本上每曰24小時都在痛，有時痛到瞓唔到同冇胃口，睇過婦科說沒問題，請問是不是腸癌病癥？

如果不是腸和婦科病，應該會是什麼？
我又應該去睇咩科最適合？謝謝
黎錫滔醫生回覆
多謝 Sze 會員提問。半年來左下腹毎日24 小時都痛，可能是腸易激綜合症，但為安全起見，可照電腦素描看看腹內有沒有什麼不妥，亦可以請教腸胃肝臟科專科醫生或外科專科醫生。

黎錫滔醫生

會員#20235 Wu Chito
吃飯時沒吃飽就吃不下
病患者男 - 18歲

幾年前，我冇腹肌，我可以食好多，有一次吃了超大的炒飯，食完都不飽，現在我有腹肌，食個早餐就會好飽，飽到想嘔，是胃撐腹肌，所以吃不多，還是其他原因？即係好似你着住條褲就會食唔到好多野。
黎錫滔醫生回覆
多謝 Wu Chito 會員提問。有腹肌，不會影響胃部以致嘔吐和吃得不多。獅子老虎也充滿肌肉，腹肌更不少，卻不見會吃得不多！病徵可能是由於胃功能失調，請見腸胃肝臟科專科醫生吧。

黎錫滔醫生

會員#20223 qweszxc123
腸胃問題
病患者男 - 21歲

話說上兩個星期係網上睇左一啲大腸癌既網頁
本身都冇咩野但個腦就開始一路諗住自己會唔會有
加上近排開學煩緊揀科之後啲野開始覺得壓力好大
係呢個星期去完旅行返黎有幾日會出街食飯
之後排便都叫正常但由前日肚完痛痾左幾次
可能係食錯野之後唔知排便叫唔叫正常返
好似琴日咁會係屙一次但個量好似小過之前
呢排唔知點解慢慢日日係到諗好驚自己有事
搞到成日訓唔好好夜先訓到自覺壓力好大因為好擔心

好驚自己事睇過大腸癌啲症狀得一樣排便習慣改變中左其他都冇不嬲小食生果但有食菜唔知係咪太擔心既原因日日係到諗而家覺得自己冇咩便意咁同埋好似冇咩胃口但一日都叫去到一至兩次但量好似小左同埋冇左咁硬因為之前慣左一日一至兩次

唔食煙好小飲酒
之後又睇左一個叫irritable bowel syndrome 啲症狀又有啲似可唔可以係呢到初步問下先唔該晒
黎錫滔醫生回覆
多謝 qweszxc123 會員提問。跟據病徵而言，應該是類似癌症恐懼症，也可能和焦慮症有關，所提到的 irritable bowel syndrome，部分病徵和所述吻合，但不是全部。請先請教家庭醫生，再決定是否須要轉介專科醫生。

黎錫滔醫生