專科分類目錄

許紹基醫生答問

許紹基醫生(男)
Dr. Hui Shiu Kee
皮膚及性病科
值得推介 : 11

會員#12696 bibirain
念珠菌, 皮膚, 荷爾蒙失調
我今年25歲, 係月頭經期後忽然下體好痕, 去睇咗醫生係念珠菌發炎, 食咗一個星期後, 冇改善過, 再睇多次醫生, 做咗HVS C/ST, 又食咗一個星期藥(AUGMENTIN, 1G), 星期六22/6已經食完藥, 食藥期間進度良好, 但停藥後問題依然存在(痕+有分泌物). 同時間, 左手手指公係大約10/6好痕, 隔咗左日唔痕但皮膚已經變厚, 之後再隔5日到, 手指公痕的位置開始甩皮(成塊咁甩出黎= =)...去到今日已經慢然到成隻手都甩皮(唔痕唔痛淨甩皮)....而且面上由舊年年中開始多了很多暗蒼(困擾咗好耐, 以前是冇的)....我想問係咪荷爾蒙失調? 如係, 我應該KEEP住睇婦科, 定皮膚料定內泌系統?
許紹基醫生回覆
bibirain 您好
有時三個問題互相有關有時未必
1）vaginitis 陰道炎：
由於情況持續最好由原來的婦科醫生跟進如果她／他覺得是有內分泌問題便會轉介；

2）手指皮膚癢後脫皮：
應該是皮膚發炎後的症狀如果沒有癢痛脫皮範圍不增大可以先觀察

3）暗瘡問題
男性荷爾蒙是暗瘡的成因之一。
在女性由卵巢分泌男性荷爾蒙。
所以字面上暗瘡一定是荷爾蒙內分泌問題。
但是，內分泌疾病引起暗瘡的可能性極小極小；
所以暗瘡問題先找家庭醫生普通科醫生或皮膚專科醫生處理。

Best wishes,
Dr SK Hui

會員#12685 Kit0204
性病!!!!
我之前有淋病,跟住食完抗生素e無話我仲有衣原身體,跟住再開藥比我食,甘我以為無事我就無番去覆診半年之後我番去睇佢話我d衣原體未清同有尿道炎..我而家食晒佢d藥未番去覆診我亦都未睇愛滋報告但我而家身體:

1.持續發熱(身同腳)一個星期左右一時時會熱

2.喉嚨有小小痛.一時時

3.背隻兩邊L位痛又係一時時

甘我係患左咩病?應該點解決?
許紹基醫生回覆
Kit0204
您好
建議：
1）睇愛滋報告先
如果陰性有機會無晒D一時一時不適感
2）探熱
排除真正發燒先
Best wishes,
Dr SK Hui

會員#12685 Kit0204
懷疑自己有愛滋！
我上年11月16號就去左油麻地男性衛生科診所到睇e生..甘呢佢話我有淋病,打左支針同比左d藥我,甘下禮拜番去覆診佢又驗到我有衣原體,又開左藥比我食..仲抽左血染愛滋,甘我跟住過左半年以為無野就無番去覆診,直到我今年5月31號同我條女無帶套搞野就中招,甘我6月4號就去左屯門男性衛生科睇啦,佢話我原來上次d衣原體未清晒加上今次又有d發炎(我估係非淋菌性尿道炎)甘佢就開左d抗生素比我同埋抽血驗第二次愛滋..但係唔知點解同我女友搞完野幾日之後我開始頭痛同埋背隻雞翼位好痛,,甘我6月5號就去睇骨科,,甘佢就話我背隻戈個位發炎同埋我個身成日發熱.有啲咳..到左而家我背隻唔痛頭都無痛但成身都好熱同有小小咳
甘我想問..
1.係咪因為衣原體或者非淋菌性尿道炎搞到關節炎+頭痛?

2.定係關節炎加+頭痛係愛滋病ge前期?(愛滋病報告未出)

3.定係因為關節炎所以個頭先間唔中痛？

4.定係我有愛滋滋病？

5.如果我有愛滋病甘而家有無得用藥控制？長期食藥可唔可以長命啲？定係一定會死？
許紹基醫生回覆
您好
其實表面上您有五個問題
實際上心中只有兩個問題
1）有冇愛滋
2）死唔死得
據我所知
1）大部份人去驗愛滋時都覺得很有可能「中招」但事實上絕大部份人得到的結果是陰性（冇事）
所以您唔好自己嚇自己耐心等結果
2）萬一陽性也有很多延長壽命的治療
所以積極早期接受治理最好

另外如果今次冇事以後加倍小心唔駛下次又驚過

Best wishes,
Dr SK Hui

會員#12679 david2013
皮膚問題~~~
本人24歲,.近來忽然身體長出好多體毛本身的體毛也變得好濃密~ 特別是腳肚胸口

加上本人超級大汗,,如外出去便利店已經衣服濕了

眼見有可能是荷爾蒙過多/其他內分泌失調~??

想請問應該尋求哪樣解決方法?/應該去什麼科看醫生

還有心口有時候會出現隱隱作痛..

希望可以幫到我謝謝
許紹基醫生回覆
David2013
你好你未有提供性別先假設為男性對不起
1) 多毛通常與遺傳有關但如果真的是短時間突然大量增加便要找醫生去研究排除內分泌異常。
2）多汗通常與氣候及體質有關但很少與多毛有關因為汗量與每條汗腺的分泌量大大大於汗腺數量。
3）「心口」不適
很多醫生都覺得這樣的描述「可大可小」，最穩妥之法是根據常識視其嚴重程度採取不予理會、等待觀察、擇期就醫甚至即時去急症室處理。不要胡亂服藥之餘也不能憑此閒聊式溝通去解決。

Best wishes,
Dr SK Hui

會員#12624 Alvin
有關生殖皰疹...
想問有無方法醫得好...
因已有呢個病差唔多兩年，隔幾個月返發一次...期間睇過幾次政府衞生科，佢開左啲黃色藥膏（好似含有抗生素成份）查，但好似成效不大，
近半年復發次數好似密返，1.5-2個月黎一次...
所以真的很苦惱..故此望能尋求專業意見及解決方法...
許紹基醫生回覆
臨床上如果是頻密發作者即每年有6次或以上發作可考慮抑制療法
抑制療法是連續、低劑量地使用抗病毒藥三個月或以上，停用一段時間後又再服用。
常用的有acyclovir, Valacyclovir及famcyclovir (Zovirax, Valtrex 及Famvir)

Best wishes,
Dr SK Hui

醫務信箱
致許紹基醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見

許紹基醫生答問

醫務信箱