專科分類目錄

余則文醫生答問

余則文醫生(男)
Dr. Yu Chak Man, Aaron
兒科
值得推介 : 5

會員# yudy chan
小朋友突然之間有氣管敏感
病患者女 - 7歲

醫生你好
我小朋友在今年年初病完後就不停咳嗽，
經常話有痰係喉嚨中間，之後會發燒然後醫生會話佢支氣管炎有問題，因我經常在小朋友訓咗時都會聽到佢肺係有聲。

如事者醫生會開抗生素比佢食，食藥期間都可以有改善咳嗽，完藥後一星期又開始咳多咗又會話有痰係喉嚨中間咳唔到出來。

之後就會好似無限♾️甘開始咳多痰多
肺部有聲之後就會發燒🤒️ 又睇醫生話氣管敏感或支氣炎又再食抗生素…..
但情況就係不停甘循環….好影響小朋友生活…

我平時一發現佢咳多咗連日頭都咳多咗
我會係佢肺部前後用耳仔👂🏻去聽
係好明顯有聲但我哋都有睇醫生都醫生話好清，係無…..

但過多一星期發燒再睇醫生🩺 再會係支氣管炎肺炎又俾抗生素

有醫生話佢係鼻水倒流
有醫生話佢係哮喘

鼻-我已搵專科醫生睇無發現異樣
哮喘 - 其實小朋友之前係無依樣野
如果想知佢係唔係依種病要點check
醫生有開喘樂寧用，話氣管收窄用，我在佢肺有聲時會俾佢用按4 下
請問此藥有冇依賴性？神令小朋友以後都要用？

我明白太長篇🙏🏻🙏🏻但我已心身疲累
這一年我帶小朋友搵睇咗好多醫生

小朋友長時間咳夜晚更多
真係希望可以幫到佢🙏🏻🙏🏻🙏🏻

Ventolin
余則文醫生回覆
完全明白父母親的擔心。若已經病了接近一年又己向很多醫生求診仍未能有進展，應該尋求轉介到醫院管理局兒科專科門診進行呼吸系統評估及專門檢查包括肺功能評估、電腦掃描等等再對症下藥。

會員#33713 Ivy
乳房硬塊
病患者女 - 9歲

沖涼時發現乳頭有硬塊, 已一個多月, 但唔痛, 都好大粒, 怕係乳癌, 應該做咩檢查, 睇咩科醫生?
余則文醫生回覆
病者年歲9歲，較少出現腫瘤，但可能是青春發育的初期，應該馬上找兒科醫生檢查再決定下一步驟的化驗。

會員#30726 Chris
大便留底褲
病患者男 - 12歲

不經常可以去大便, 但經常發現有大便留在底褲內. 自己並不察覺已有大便漏出.
余則文醫生回覆
12歲出現這個大便失控的問題.是一定要正視的醫療問題。除了生理亦要考慮心理方面的情況。應盡快請教家庭或兒科醫生。

會員#21293 Ms Lau
BB 健康常識
病患者女

醫生你們好。BB快三個月，全母乳。前天晚上開始發現大便黃綠色無渣，昨天有四次便便，頭三次黃綠色有少許渣，夜晚一次是金黃色。想請教黃綠色甚至偏綠色的大便是正常的嗎？

BB精神和食欲正常。這兩天我吃過菠菜、油麥菜和勝瓜。
余則文醫生回覆
全母乳宝宝的大便多數較多水份,這位母親所形容的顏色及質量都可以是正常.
如果大便的味道正常,沒有酸溜溜的味道,便不用太担心

會員# Rebecca
小朋友食抗生素，忘記放雪櫃
今日年初一，想問下醫生小朋友食抗生素，忘記放雪櫃，仲食唔食得?? 新年無醫生睇，又停唔到抗生素，點算？？
余則文醫生回覆
不知道有多長時間及室溫如何,若只是幾小時及以現時温度.應該仍然有效的。
若不放心可去各大私家醫院或公立急診所求醫

醫務信箱
致余則文醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見

余則文醫生答問

醫務信箱