專科分類目錄

李可倫醫生答問

李可倫醫生(男)
Dr. LI HO LUN, TERRANCE
腦神經科
值得推介 : 6

會員#30905 Mei Mei
神經內科
病患者女 - 49歲

我半年内跌倒三次，1、2、3次也是因右脚脚尖擦地跌裂胸骨（已看急症），因而說話也有影響（言語不清）。
小腿每早瞓醒伸腳～右小腿抽筋。經骨科提議睇神經內科。
現在行路也提心吊胆，李醫生我有無得醫？希望解答
李可倫醫生回覆
你好，如果你有以上情況最好看一看腦神經內科醫生，因為時常跌倒可能是腦部出現問題，特別是小腦問題可以引致平衡力不好，而你說話也有影響這個更加要小心，可能需要看腦神經內科專科，讓醫生在安排做磁力共振腦部看看結構有冇問題。

會員#17464 Yue ken
晚上．腳反覆抽踢
病患者女 - 87歲

醫生你好，想請教一下：
我媽媽年紀差唔多90了，她本來也經常失眠，但現在她睡得更小了，她現在晚晚也只睡得1-2小時，有時甚至完全睡不了，因她現在她每晚的腳，即使在清醒/睡着時，也會（有時間規律及反覆地的抽踢），抽踢時膝頭會很痛（因媽向來有膝痛，腰痛，肩頸痛，骨質疏鬆和腳冇力等問題），而日間則較小抽踢，她曾於今年1月時，因頭痛照了頭（Ct）醫生說沒事，而現在媽沒有頭痛了！現在我想請教醫生一下，媽媽究竟怎麼了，我應如何處理？她應該做什麼檢查？
李可倫醫生回覆
這可能是腳部不安症。請找腦神經內科專科醫生評估再開藥，可以控制一下抽動情况，從而改善失眠問題

會員#28601 CP
腦問題
病患者女 - 29歲

係上年即2021年5月時睇眼專科而照過頭部CT,報告一切正常無問題

本人一直都有頭痛問題，主要係頭脹痛同眉心聚住放鬆唔到嘅緊張痛，由今年年頭開始睇中醫調理身體之後其實頭痛少左好多，但8月時頭頂痛，有野壓住咁痛，同時個人暈陀陀咁，好似有啲搖搖欲墜咁，一個星期都係咁就去左睇普通科西醫，醫生開左啲感冒藥，消炎止痛藥，食左藥3、4日就無咩事，但我諗返起係6月、7月其實都有試過暈陀陀咁嘅感覺，不過食左藥2、3日就無事。（可能我身體比較虛弱，平時休息唔夠，好夜訓，我以前都會試過暈暈地咁，不過次數都好少），間唔中都會耳鳴，另外，係5月時開始會間唔中聞到啲奇怪嘅味，但唔係臭味，去左睇耳鼻喉科，醫生check 過照過無事，噴啲鹽水洗鼻好似有好少少，於是我無再理，直到現在就間唔中會聞到，但又唔會成日，我上網睇話呢個狀況係「幽靈嗅」，我唔知真定假，但我諗返轉頭覺得上面嘅徵狀都同有腦瘤好相似，希望有醫生可以解答我嘅問題是否與腦瘤有關，因為我份人比較緊張，好多時一有咩問題就即刻去睇醫生，慶幸每次都係無事，但上面嘅問題令我好擔心，希望有醫生可以解答
李可倫醫生回覆
如果之前有頭痛、頭暈、間中有耳鳴、聞到特別氣味，還是做一個磁力共振腦部，看看有沒有結構問題，安全一些

謝謝你

會員#23478 Mike
中風後遺症？
病患者男 - 21歲

我今年21歲，喺我大若十六歲嗰陣時，我朝早喺屋企做緊中文SBA，跟住隻右手寫寫下字突然之間麻痺跟住到個嘴歪，然後想叫救命講唔到野，呢啲情況喺幾分鐘之內慢慢回復正常，但係我屋企人唔肯帶我去睇醫生，我好後侮嗰陣點解唔call白車。事後我都求左屋企人成個月先肯帶我去做咗檢查，但係都唔係針對中風嘅檢查。我做過MRI CT 腦電波抽血驗尿一切都正常，但係我都係覺得可能留低左一d神經既損傷。

我有好嚴重既鼻敏感，而且好鐘意食辣。最近我覺得自己條脷怪怪地有種好鞋既感覺同埋我一飲水既時候好似濁到既感覺但係又冇咳嗽反射，所以我懷疑緊會唔會係中風導致吞嚥障礙跟住個咳嗽反射都弱埋，我真係好擔心自己之後要插胃管食野。我而家有埋焦慮仲要食緊藥，希望有醫生可以幫到我。
李可倫醫生回覆
在這年紀中風或短暫缺機會非常之少，再者之前做MRI正常，除非有天先血液凝結有問題，可以做血液測試看看有冇，否則不用擔心，另外本身焦慮也可引致身心病，病可以覺得周身唔舒服

醫務信箱
致李可倫醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見

李可倫醫生答問

醫務信箱