專科分類目錄

陳穎鈞醫生答問

陳穎鈞醫生(男)
Dr. CHAN WING KWAN
耳鼻喉科
值得推介 : 41

會員#27272 Terry Lam
耳嗚+頭痛+頭脹頭緊
病患者男 - 32歲

上年11月頭開始耳嗚，高頻率的聲音，現在已經3月但到現在都沒有消除，頭越緊耳嗚越大聲。
23/11睇過耳鼻喉科，照過鼻冇野，聽力測試都沒有問題。十分困擾⋯⋯最近還多了頭暈腦脹症狀，只食著頭痛藥舒緩，以及我發現打呵欠打不到。
請問我可以點做？麻煩幫助我
陳穎鈞醫生回覆
謝謝你的提問，耳鳴情況轉差，但鼻咽，鼻腔檢查正常，及聽力正常，那就應該要查清楚有沒有其他內科疾病，常見的包括高血壓，荷爾蒙失調（如甲狀腺素），以及腦部疾病，和情緒病。應作詳細問症及臨床檢查後，再決定其他如驗血或掃描檢查。祝早日康復！謝謝！

陳穎鈞醫生耳鼻喉專科

會員#27239 Maki Tsui
背脊有嘢頂住
病患者女 - 31歲

醫生您好
我係15/2開始感覺背脊有嘢頂住, 大約知邊個位有啲痛
食嘢成日好似吞唔到落肚, 卡住係喉嚨, 想嘔又嘔唔到
係有時有氣gur出嚟先舒服, 試過反胃係好咗少少
但好快又卡住係喉嚨感覺, 重搞到前面心口有啲扯住痛
呼吸都要勁大力先舒服少少,睇中西醫都幫唔到手,
真係好困擾, 其實係咩原因?
有咩方法解決到? 要幾耐先好到?
謝謝醫生
陳穎鈞醫生回覆
多謝你的提問，對於你的病徵，要在詳細問症及檢查後才能知道原因，之前其他的檢查亦都非常重要。可以致電向診所姑娘預約求診，祝早日康復，謝謝！

陳穎鈞醫生耳鼻喉專科

會員# Katy
鼻軟骨外露
病患者女 - 53歲

你好，我係幫媽媽問的。媽媽之前鼻頭生咗粒大瘡，發炎有膿，清咗出嚟結了焦。現在過咗大半個月後，已經冇膿甩咗焦，但係見到條鼻軟骨凸咗出嚟，好恐怖…
請問醫生點解會見到骨？
(由於係基層家庭，冇錢去睇專科，而家唔知點樣處理好，上來求助。)
感謝！！
陳穎鈞醫生回覆
Katy 你好，

多謝你的提問，你應向政府普通科醫生先求診，有需要時醫生會作適當治療及轉介。直接向私家專科求診當然是選擇之一，我相信很多醫生同事會樂意協助及在收費上予以優惠。

祝早日康復，身體健康

耳鼻喉專科陳穎鈞醫生

會員#24839 Rn
鼻敏感及鼻水倒流
醫生你好！本人今年60歲一向有鼻敏感及鼻水倒流！
每天起床都會感到喉嚨乾凅好像有漿糊漿住喉嚨一樣，必須大力咳出喉嚨的痰(有時痰帶灰色)，咳嗽時亦不停流鼻水，鼻水又倒流入喉嚨做成惡性循環，往往要咳足幾分鐘至條氣順先回復正常，有時侯咳痰令喉嚨有啲痛，但之後就無事。

而晚間睡覺好多時都覺得有鼻水流入喉嚨，但又不是好像傷風鼻水長流，只是鼻腔裡濕濕不停渗出鼻水，令睡眠變差甚至不能入睡，甚至要經常含住一啲凉果或喉糖之類，有時瞓得好好但離開被竇去厠所，但一返落床又開始流鼻水久久不能瞓番。
至上兩種情況在平時也會間中出現但機會唔多(例如感到悶熱翳焗或者無嚨特然像被針咭一吓就開始咳，位置多下爬至鎖骨之間，咳鬆咗又無事)

同時好多時進食後都會出現喉嚨被漿住感覺亦有鼻腔渗出鼻水情況(食飯會感到身體發熱出汗)，同樣要大力咳出喉嚨的痰，惡性循環同早上類似，同樣要咳足幾分鐘至條氣順先回復正常。以上問題困擾多年至寢食難安，所以為了想詳細講述病情以至篇幅過長，不便之處祈能見諒。
陳穎鈞醫生回覆
Rn 你好，
你所描述的情況，可以是鼻炎，鼻竇炎，鼻息肉等情況之病徵。我建議你應向耳鼻喉醫生求診。祝你盡快康復！
耳鼻喉專科陳穎鈞醫生

會員#24542 Tinkerbell
鼻屎黃綠色
病患者女 - 31歲

陳醫生你好，想問問我鼻涕一直都係透明色，但鼻屎是黃綠色，已經keep住三個月以上係咁了，請問是發炎還是甚麼呢？之前睇過政府醫生，佢叫我不用理會，人有抵抗力會自然好，是真的嗎？需要看專科check嗎？謝謝
陳穎鈞醫生回覆
鼻孔分泌變多或變深色，可以是鼻孔周圍黏膜受感染發炎的病徵。其他相關病徵包括腫脹，出血，疼痛等。這些情況可以向耳鼻喉專科醫生求診。祝早日康復，身體健康！

陳穎鈞醫生耳鼻喉專科

醫務信箱
致陳穎鈞醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見

陳穎鈞醫生答問

醫務信箱