專科分類目錄

沈蔚瑄醫生答問

沈蔚瑄醫生(女)
Dr. Shum Wei Huen, Jennifer
眼科
值得推介 : 11

會員#17122 Icy Lo
長者眼皮下垂
病患者女 - 83歲

我的母親其中一隻眼眼皮下垂，她說黏住隻眼，要很用力先能夠增大眼，
這樣是否會導致眼壓高？
是否因為這樣而導致她經常頭暈的其中一個因素？
沈蔚瑄醫生回覆
你好
眼皮下垂不會導致眼壓高, 但如果下垂得太厲害可能會阻擋視線.
另外, 眼皮下垂有機會是其他疾病引起的症狀, 例如可能是免疫系統病或甲狀腺毛病.

會員#30307 Leung
單眼眼壓高
病患者男 - 35歲

左眼近視800度，散光100幾度，突然睇野矇查查。去了眼科檢查，眼壓高達30mmHg。醫生開了眼藥水和藥，但眼壓沒有下降。之後做了Laser手術放眼壓，但眼壓不降反升至40mmHg。

左眼現在的情況是矇矓一片，什麼也看不到。剛才醫生檢查後，發現眼睛已經開始水腫，而水腫剛好在中央，所以看不到東西。現在藥物降壓無效的情況下，剩下的方法只有用手術去降眼壓。

請問單眼眼壓過高有可能是什麼原因？為什麼藥物和手術無法減低眼壓？
沈蔚瑄醫生回覆
先生你好。
如果無其他嘅病因搵得到，最大可能性係原發性青光眼，深近視亦係其中一樣增加病人患青光眼風險嘅因素。
好抱歉聽到藥物未能有效控制眼壓，好多時呢一類嘅病情要靠手術去控制眼壓。
雖然現時有微創嘅青光眼手術，不過微創手術一般對比較早期嘅青光眼病人比較合適，如果眼壓已達40mmHg，可能傳統嘅青光眼手術比較合適。

會員#30165 王婆婆
左眼感覺脹和眼角睇野矇
醫生你好，

我八十幾歲，有胃癌，通過波仔。

經常頭筋脹，連同左眼都有脹的感覺。左眼的眼角睇東西時矇。

左眼已經唔舒服1年多。3個月前中了新冠，新冠後左眼情況更差。

請問醫生可能是什麼毛病？可以如何醫治。

非常感謝！
沈蔚瑄醫生回覆
王婆婆你好。
知道你身體經歷咗唔少，接受過兩次相當大嘅治療，你一路都走過嚟啦。
都有見過啲病人喺中左新冠之後，眼睛容易唔舒服。
不過就咁聽你講眼睛脹，睇嘢矇，可能性實在好多，講晒又怕嚇親你。
你不如都係搵醫生檢查清楚，有時估估下、唔知道、自己亂諗，壓力仲大。
同埋最怕係錯過咗醫治嘅時機。

會員#25594 Chun
眼睛視網膜穿洞
病患者女 - 34歲

發現視網膜穿了兩個窿是否要做手術醫治請問相關手術價錢大約多少？有勞答覆
沈蔚瑄醫生回覆
女士您好！
如果視網膜有破孔應該及早處理。
玻璃體變性對視網膜會產生牽扯拉力，拉力使裂孔掀開，會有機會形成視網膜脫落。
大部份視網膜破孔可用激光治療，不過還是要看看實質情況。

會員#29255 Tung
唔知睇咩科好？
病患者男 - 5歲

Hi, 家中小朋友，眼晴在淚腺位置有濕疹，紅腫。紅左10日。
前排睇左個細心既兒科醫生，診為鼻塞導致淚管塞左，然後再加上敏感。
現在鼻塞好了，臨瞓仲有d咳。
但濕疹位置曾經好過，但好反覆，現在有越來越嚴重之勢。
想再拎些專業既意見，唔知睇咩科好？眼科？皮膚科？兒科？
沈蔚瑄醫生回覆
你好呀。
有時係會有啲病情係牽涉幾個專科。
而家似乎最主要嘅問題係濕疹，咁睇咗皮膚科醫生先啦。
希望小朋友皮膚早日康復。

下一頁

醫務信箱
致沈蔚瑄醫生提問:
名稱:
E-mail
標題:
患者年齡:
患者性別:
詳細問題

** 相關提問將轉至睇中醫網獲取更多專業意見